'मी कोणालाही माझा अपमान करू देणार नाही...' 2025 संपताना प्राजक्ता माळीनं अखेर मनातलं सांगितलं

' अभिनेत्री प्राजक्ता माळी सोशल मीडियावर सक्रीय असते. अनेक पोस्ट, व्हिडीओ आणि फोटो ती शेअर करत असते. प्राजक्तानं शेअर केलेली प्रत्येक पोस्ट चाहत्यांच्या पसंतीस उतरते. प्राजक्ताची फॅन फॉलोविंग खूप मोठी आहे. इन्स्टाग्रामवर तिला 2 मिलियनहून अधिक लोक फॉलो करतात.

चाहत्यांचं प्राजक्ताचं किती प्रेम आहे हे नेहमीच दिसून आलं आहे. प्राजक्ताचं देखील तिच्या चाहत्यांवर तितकंच प्रेम आहे. ती देखील चाहत्यांच्या सातत्यानं संपर्कात असते. चाहत्यांशी थेट संवाद साधण्यासाठी प्राजक्तानं इन्स्टाग्रामवर आस्क मी एनिथिंग सेशन घेत असतं.

2025 वर्ष संपत असताना प्राजक्तानं तिच्या बिझी शेड्यूलमधून तिच्या चाहत्यांसाठी वेळ काढला. प्राजक्तानं नुकतंच तिच्या इन्स्टाग्रामवर Finally! Ask Prajakta!! हे सेशन घेतलं होतं.

यात तिच्या चाहत्यांशी तिनं थेट संवाद साधला. चाहत्यांनी देखील तिला त्यांच्या मनातील प्रश्न विचारले. प्राजक्तानंही त्यांना मनसोक्त उत्तरं दिलं दिली. चाहत्यांच्या प्रश्नांमधील एक प्रश्न आणि त्यावर प्राजक्तानं दिलेलं उत्तर चर्चेत आलं आहे.

तुझं न्यू इअर रेस्युलेशन काय? असा प्रश्न विचारला असता प्राजक्तानं अखेर तिच्या मनातील गोष्टी सांगितली. या प्रश्नाचं उत्तर देत प्राजक्ता म्हणाली, "मी कोणालाही माझा अपमान करू देणार नाही. इतरांसाठी दयाळू होण्यापेक्षा स्वतःशी दयाळूपणे वागणं, हे माझ्यासाठी अधिक महत्त्वाचं आहे."

जुळून येती रेशमीगाठी या मालिकेतून प्राजक्ता माळी महाराष्ट्राच्या घराघरात पोहोचली. त्यानंतर तिने अनेक सिनेमात काम केलं. प्राजक्तानं मधल्या काळात तिची नवी ओळख निर्माण केली. अभिनेत्री असण्याबरोबरच प्राजक्ता एक बिझनेसवुमन देखील आहे. फुलवंती सिनेमाच्या निमित्तानं तिनं निर्मिती क्षेत्रातही पदार्पण केलं.

2025 हे वर्ष प्राजक्तासाठी चढ उतारांचं होतं.  करिअरमध्ये यश मिळवत असताना दुसरीकडे प्राजक्ताला ट्रोल देखील करण्यात आलं. तिच्यावर टीका करण्यात आली ज्यामुळे तिला प्रचंड मानसिक त्रास सहन करावा लागला. तर दुसरीकडे तिच्या फुलवंती सिनेमाला प्रेक्षकांचं अमाप प्रेम मिळालं. तिला या सिनेमासाठी पुरस्कार देखील मिळाले.  अखेर या पोस्टच्या निमित्तानं प्राजक्तानं तिच्या मनातील गोष्ट सांगून टाकली.