Prajakta Mali : ...तरच लग्न करेन प्राजक्ता माळी, सांगितलं कसा हवाय मुलगा

अभिनेत्री प्राजक्ता माळी प्रेक्षकांच्या लाडक्या अभिनेत्रींपैकी एक आहे. प्राजक्तानं तिच्या अभिनयानं आणि सौंदर्याने प्रेक्षकांची कायमच मनं जिंकली. प्राजक्ता करिअरमध्ये उत्तम यश मिळवतेय. एका ज्वेलरी ब्रँडची ती मालकीण आहे.

सगळं काही सुरळीत सुरू असताना प्राजक्ता माळी लग्न कधी करणार याकडे सर्वांचं लक्ष लागून आहे. प्राजक्ताने तिनं ब्रेकअप झाल्याचंही अनेकदा सांगितलं आहे. प्राजक्ताला कसा मुलगा हवा हे तिने एका मुलाखतीत सांगितलं. तसा मुलगा मिळाला तरच ती लग्न करेल असंही तिने सांगितलं. पाहूयात प्राजक्ता नेमकं काय म्हणाली.

मुक्कामपोस्ट मनोरंजनला दिलेल्या मुलाखतीत बोलताना प्राजक्ताने लग्नावर भाष्य केलं. स्त्री - पुरूषांमधील आदर, आधीच्या आणि आताच्या काळातील नात्यांचं उदाहरण प्राजक्ताने दिलं.

प्राजक्ता म्हणाली, "देवाने स्त्रियांना सहनशक्ती दिलीये तर घरातल्या कर्त्या पुरुषाला बळ देण्याचं मेकॅनिझम दिलंय की, तू फ्रंट सीटवर बस मी बॅक सीटवर बसून तुझी साथ देईन. पूर्वीच्या काळापासून हे छान वर्कआऊट झालं पण. कारण तेव्हा घरातले पुरुष बायांना विशेष मानसन्मान द्यायचे."

प्राजक्ताने तिच्या आजी-आजोबांचं उदाहरण सांगितलं. ती म्हणाली, "मला अजूनही आठवतंय की माझे आजोबा माझ्या आजीला नेहमी अहो अशी हाक मारायचो. अहो तुम्ही जेवलात का असं. माझ्या आजीचे जेव्हा गुडघे खराब झाले होते तेव्हा तिचं धुणं ते धुवायचे. कामाला बाई लावून तिच्याकडून काम करून घेणं दोघांनाही कधीच आवडच नाही. आजीचं जेवणही ते वाढायचे."

प्राजक्ता पुढे म्हणाली, "घरातले पुरुष बायकांना कसे आदराने वागवायचे हे मी पाहिलं आहे. प्रेम आणि आदर या दोन गोष्टी बायकांना मिळाल्या तर बाई कोणतीही तडजोड करून त्या पुरुषाला सपोर्ट करते. पण आता ते थोडं हलतंय. मग ती म्हणते, अरे तू हे करतोयस त्यापेक्षा मी चांगलं करू शकते. तू मला शहाणपणा नाही शिकवायचा."

"प्रत्येक बाईला माहिती असतं की ती किती केपेबल आहे. बायकांना जर योग्य रिस्पेक्ट आणि प्रेम मिळालं तर बायका दुसऱ्याला फ्रंट सीटवर बसवायला रेडी आहेत. पण हे जर नाही मिळालं तर ती चिडते आणि आता हेच होतंय. असं करणारा जर कोण मला भेटला तर मी त्याच्या प्रेमात पडेन आणि लग्न करेन."