डिवोर्समुळे डिप्रेशन, गंभीर आजाराशी सामना करत होती BB फेम अभिनेत्री, 9 वर्षांनी दिली मोठी अपडेट

छोट्या पडद्यावरील 'उतरन' या मालिकेतील तपस्या या भूमिकेच्या माध्यमातून घराघरांत पोहोचलेल्या रश्मी देसाईने आपल्या फिटनेसबद्दल खुलेपणाने भाष्य केलं आहे. गंभीर आजाराशी झुंज देणाऱ्या रश्मीने 9 किलो वजन कमी केलं आहे.

रश्मी देसाईने सोशल मीडियावर एक खास पोस्ट शेअर करत लिहिलं आहे,"हा प्रवास सोपा नव्हता. मी अद्याप माझ्या ध्येयापर्यंत पोहोचले नाही. माझा स्वत:वर विश्वास आहे. विश्वासाच्या जोरावर मी 9 किलो वजन कमी केलं आहे".

रश्मिकाने पुढे लिहिलंय,"सध्या गंभीर आजाराशी झुंज देणं सुरू आहे. स्वत:कडून मी खूप अपेक्षा ठेवते. तुम्ही उत्तम काम करत असाल तर जग तुमच्यासाठी थांबू शकतं. त्यामुळे योग्यवेळी योग्य काम करा. मी माझ्या प्रवासाची सुरुवात केली आहे".

आरती सिंहच्या संगीत समारंभातील फोटो व्हायरल झाल्यानंतर रश्मीला बॉडी शेमिंगचा सामना करावा लागला होता. त्यावेळी "या इंडस्ट्रीत टिकून राहण्यासाठी समर्पण आवश्यक आहे. प्रत्येकवेळी मी 21-22 वर्षांची दिसू शकत नाही. माझा प्रवास सुंदर आहे. पण काही लोकांसाठी बदल स्वीकारणं कठीण असतं", असं अभिनेत्री म्हणालेली.

रश्मी देसाई शेवटची 2025 मध्ये प्रदर्शित झालेल्या 'मोम तने नै समझ' या चित्रपटात झळकली होती. तसेच 2023 मध्ये ती 'रात्री के यात्री 2'मध्येही दिसली होती.

रश्मीने 'उतरन' या मालिकेच्या माध्यमातून अभिनयक्षेत्रात पदार्पण केलं. 'नागिन 4'मुळे तिला लोकप्रियता मिळाली. 'बिग बॉस 13' या लोकप्रिय वादग्रस्त कार्यक्रमातही रश्मी सहभागी झाली होती.

रश्मी देसाई नंदीश संधूसोबत लग्नबंधनात अडकली होती. पण 4 वर्षांच्या नात्यानंतर 2016 मध्ये दोघांचा घटस्फोट झाला.