Cough Syrup : लहान मुलांना झालाय खोकला, पण कफ सिरप द्यायचं नाहीये? इन्स्टंट रिलीफसाठी करा 'हे' उपाय

लहान मुलांना खोकला झाल्यास अनेक पालक त्यांना कफ सिरप देण्यास कचरतात, कारण अनेक सिरपमध्ये लहान मुलांसाठी योग्य नसलेले घटक असू शकतात. अशा परिस्थितीत, आयुर्वेदिक आणि घरगुती उपाय हे सर्वात सुरक्षित आणि प्रभावी ठरतात. या उपायांचा वापर केल्यास खोकल्यापासून त्वरित आराम मिळतो आणि त्याचे कोणतेही दुष्परिणाम होत नाहीत.

मध आणि आल्याचा रस: खोकाल्यावर त्वरित आराम मिळवण्यासाठी मध आणि आल्याचा रस याचे मिश्रण सर्वोत्तम आहे. एक चमचा मधात चिमूटभर आल्याचा रस मिसळून मुलांना दिवसातून दोनदा द्या. मध घशाला आराम देते आणि खोकल्याची तीव्रता कमी करते.

हळदीचे दूध: रात्री झोपण्यापूर्वी हळद मिसळलेले गरम दूध द्या. हळदीमध्ये दाह-विरोधी आणि अँटी-बॅक्टेरियल गुणधर्म असतात, जे घसादुखी आणि संसर्गावर आराम देतात.

तुळशीचा अर्क: तुळस ही श्वसनमार्गाच्या आरोग्यासाठी वरदान आहे. तुळशीची पाने गरम पाण्यात उकळून त्याचा काढा मुलांना द्या. तुळस छातीतील कफ पातळ करण्यास मदत करते.

वाफ घेणे: खोकला आणि कफामुळे छाती भरून आल्यास, गरम पाण्याची वाफ घेणे हा सर्वोत्तम उपाय आहे. वाफेमुळे नाक आणि श्वसनमार्गाची सूज कमी होते.

गुळ आणि काळी मिरी: गुळाचा एक छोटा तुकडा आणि चिमूटभर काळी मिरी पावडर एकत्र करून मुलांना खाऊ घाला. हे मिश्रण खोकल्यापासून नैसर्गिकरित्या आराम देते.

उबदारपणा आणि हायड्रेशन: खोकाल्याच्या वेळी मुलांना पुरेसा उबदारपणा द्या. गरम पाणी, हर्बल चहा किंवा सूपसारखे गरम द्रव पदार्थ त्यांना नियमित देत राहा, ज्यामुळे घसा कोरडा पडणार नाही. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)