मराठी दिग्दर्शकाने अलिबागमध्ये खरेदी केली मोठी प्रॉपर्टी, पाहा आलिशान फार्महाऊसचे PHOTOS

मुंबईपासून जवळ अरबी समुद्राच्या किनाऱ्यावर वसलेलं अलिबाग हे सुंदर समुद्रकिनारे, ऐतिहासिक किल्ले आणि निसर्गरम्य ठिकाणांसाठी प्रसिद्ध आहे. सलमान खान, शाहरुख खान, अनुष्का शर्मा-विराट कोहली, दीपिका पादुकोन-रणवीर सिंह, कृती सेनन, अमिताभ बच्चन ते अक्षय खन्ना पर्यंत अनेक सेलिब्रिटींचं अलिबागमध्ये फार्महाऊस आहे.

'धुरंधर' फेम अक्षय खन्नाचं अलिबागमधील फार्महाऊस काही दिवसांपासून गाजत आहे. अक्षय खन्ना त्याचा प्रत्येक वीकेंड अलिबागमधील त्याच्या प्रशस्त फार्महाऊसमध्ये जात असतो. त्याच्या या फार्महाऊसमध्ये आसपास हिरवळ, स्विमिंग पूल आणि इतर सोयीसुविधा आहेत.

हिंदी चित्रपटसृष्टीतील कलाकारांनंतर आता मराठी मनोरंजनसृष्टीतील प्रसिद्ध दिग्दर्शक रवी जाधवदेखील अलिबागकर झाले आहेत. अलिबागमध्ये त्यांनी नवीन फार्महाऊस घेतलं आहे.

रवी जाधव सोशल मीडियावर सक्रीय आहेत. सोशल मीडियाच्या माध्यमातून ते चाहत्यांच्या संपर्कात राहण्याचा प्रयत्न करत असतात. आता नव्या फार्महाऊसची गुडन्यूज त्यांनी सोशल मीडियाच्या माध्यमातून चाहत्यांना दिली आहे.

रवी जाधव यांनी नव्या फार्महाऊसचे फोटो सोशल मीडियावर शेअर केले आहेत. त्यांच्या फार्महाऊसमधील हिरवळीने नटलेली बालकनी, पांढऱ्या रंगाचं तुळशी वृंदावन, आकर्षक झोपाळा या गोष्टी चाहत्यांचं लक्ष वेधून घेत आहेत.

रवी जाधव यांनी आपल्या अलिबागमधील फार्महाऊसमध्ये जास्तीत जास्त पांढऱ्या रंगाचा वापर केला आहे. या फार्महाऊसला त्यांनी 'TURTLE OASIS' हे नाव दिलं आहे.टर्टट ओएसिस या शब्दाचा अर्थ कासव-मरुद्यान असा होतो. कासवांना पाणी, अर्थ आणि निवाऱ्यासाठी असणारी एक जागा.

रवी जाधव यांनी फोटो शेअर करण्यासह एक खास कॅप्शनदेखील लिहिलं आहे. त्यांनी लिहिलं आहे,"छोट्या-छोट्या क्षणांपासून आणि छोट्या स्वप्नांपासून तुकड्या-तुकड्यांनी बांधलेलं आमचं अलिबागमधील नागाव येथील फार्महाऊस. याठिकाणची प्रत्येक भेट शांत करते आणि नवी आशा देते".