2025 मधला देशातील सर्वात श्रीमंत अभिनेता! 12490000000 चा मालक, पहिली कमाई होती फक्त 50 रुपये

बॉलिवूडचा बादशाह शाहरुख खान नेहमीच कोणत्या ना कोणत्या कारणाने चर्चेत असतो. 2025 मध्ये शाहरुख खानचा एकही चित्रपट प्रेक्षकांच्या भेटीला आला नाही. पण तरीही हुरुन रिच लिस्ट 2025 नुसार, शाहरुख खान 2025 मधला सर्वात श्रीमंत अभिनेता ठरला आहे.

1 ऑक्टोबरला हुरुन इंडिया रिच लिस्टचा अहवाल समोर आला. त्यानुसार, शाहरुख खान आता अब्जाधीशांच्या यादीत सामील झाला आहे. गेल्या अनेक वर्षांपासून बॉलिवूडमधील सर्वात श्रीमंत अभिनेता म्हणून शाहरुख खानने आपले स्थान कायम ठेवले आहे आणि 2025 मध्येही संपत्तीच्या बाबतीत त्याचेच वर्चस्व पाहायला मिळाले.

2025 च्या अखेरीसही शाहरुख खानने सर्वात श्रीमंत अभिनेता म्हणून आपली जागा अबाधित ठेवली. हुरुन रिच लिस्ट 2025 नुसार, या वर्षी शाहरुख खानची नेटवर्थ 1.4 अब्ज डॉलर म्हणजेच सुमारे 12,490 कोटी रुपये इतकी झाली असून तो बॉलिवूडमधील सर्वात श्रीमंत अभिनेता ठरला आहे.

शाहरुख खाननंतर हुरुन रिच लिस्ट 2025 मध्ये स्थान मिळवणारी बॉलिवूडमधील दुसरी सेलिब्रिटी म्हणजे त्याची बेस्ट फ्रेंड आणि अभिनेत्री जूही चावला. जूही चावला अनेक वर्षांपासून मोठ्या पडद्यापासून दूर आहे. जूही चावलाची नेटवर्थ सुमारे 7,790 कोटी रुपये असल्याचे सांगितले जाते. तर तिसऱ्या क्रमांकावर ऋतिक रोशन आहे. अभिनेत्रीची नेटवर्थ 2,160 कोटी रुपये आहे.

शाहरुख खानच्या संपत्तीबद्दल बोलायचे झाले, तर त्यामध्ये सर्वात मोठा वाटा त्यांच्या प्रोडक्शन हाऊस ‘रेड चिलीज एंटरटेनमेंट’चा आहे. 2002 मध्ये या कंपनीची स्थापना झाली होती. जवळपास दोन दशकांत रेड चिलीज एंटरटेनमेंटच्या बॅनरखाली शाहरुख खानने अनेक चित्रपटांची निर्मिती केली असून, ते हिट ठरले आणि त्यांनी बॉक्स ऑफिसवर दणदणीत कमाई केली.

शाहरुखने व्हीएफएक्स आणि डिजिटल उपक्रमांमध्येही मोठ्या प्रमाणात गुंतवणूक केली आहे. शाहरुख खानची ही कंपनी 500 हून अधिक लोकांना रोजगार देते आणि भारतीय सिनेसृष्टीतील सर्वाधिक नफ्यातील प्रोडक्शन कंपन्यांपैकी एक मानली जाते.

शाहरुख खान इंडियन प्रीमियर लीगमधील कोलकाता नाइट रायडर्स या फ्रँचायझीचे सह-मालक आहे. या संघाच्या स्पॉन्सरशिप डील्स आणि लीगमधील उत्पन्नातूनही त्याची मोठ्या प्रमाणात कमाई होते. शाहरुख खानला आपल्या चित्रपटांमधून आणि रिअल इस्टेटमधील गुंतवणुकीतूनही भरपूर उत्पन्न मिळते. विशेष म्हणजे किंग खानची पहिली कमाई फक्त 50 रुपये होती.