12 ची शिफ्ट 7 वाजता पहिला शॉट, तो पर्यंत मी रस्त्यावर..! रिंकूनं सांगितला शूटींगचा शॉकिंग अनुभव

अभिनेत्री रिंकू राजगुरू गेली दहा वर्ष सिनेइंडस्ट्रीत काम करतेय. सैराट सिनेमानंतर तिनं अनेक सिनेमात काम केलं. इतक्या वर्षात रिंकूमध्ये कामाप्रती एक प्रोफेशनपणा आला आहे. त्यामुळे कोणताही सिनेमा असो किंवा शो असो रिंकू वेळेच्या बाबतीत खूप पक्की आहे.

रिंकूने एका सिनेमाच्या शूटींगचा एक शॉकिंग अनुभव सांगितला. तिच्या एका शॉटसाठी तिला सेटवर सात तास वाट पाहावी लागली होती. हे सगळं पाहून रिंकू शॉक झालेली.

रिंकू रागुरूचा पुन्हा एकदा साडे माडे तीन हा सिनेमा 13 फेब्रुवारीला रिलीज होतोय. यानिमित्तानं ती अनेक मुलाखती देतेय. भाडिपाशी बोलताना तिने पुन्हा एकदा साडे माडे तीनच्या सेटवरचे काही किस्से सांगितले.

साडे माडे तीन या सिनेमात अभिनेते अशोक सराफ, भरत जाधव, मकरंद अनासपुरे, सिद्धार्थ जाधव, आणि रिंकू राजगुरू यांच्या प्रमुख भूमिका असून संजय नार्वेकर अशी तगडी स्टारकास्ट आहे. अभिनेता अंकुश चौधरीनं हा सिनेमा दिग्दर्शित केला आहे. या सिनेमाच्या सेटवर रिंकूला एक अनपेक्षित अनुभव आला. 

सगळेच मोठे कलाकार असताना त्यांच्यासमोर आपण कुठे कमी पडू नये असं रिंकूला वाटत होतं. रिंकूला शूटींगच्या पहिल्या दिवशी वेळेत सेटवर पोहोचली. पण त्यानंतर तिच्याबरोबर जे झालं ते पाहून ती शॉक झाली. 

रिंकू म्हणाली, "टाइमच्या बाबतीत मी खूप टाइम पाळणारी मुलगी आहे. तू जर मला बारा सांगितलं तर मी बाराच्या ठोक्याला सेटवर असणारी मुलगी आहे. माझ्या शूटचा पहिलाच दिवस आणि कॉलटाइम होता 12."

"एवढे मोठे लोक, मला असं वाटलं की सगळं पटापट होईल. मी बाराला सेटवर गेले आणि माझा पहिला शॉट संध्याकाळी सात वाजता."

सात तास काय केलं हे सांगताना रिंकू म्हणाली, "तोपर्यंत मी रस्त्यावर बॅडमिंटन खेळतेय. कुत्र्‍याची पिल्लं येत होती त्यांची काळजी घेतेय. चार वेळा सेटवर जाऊन आले. विचारलं काय प्रोब्लेम आहे. मला म्हणाले, पहिला दिवस आहे, कधी कधी लोकेशन प्रोब्लेम येऊ शकतात."

"पण माणसं प्रचंड गोड. त्या सेटवर मला सिद्धू भेटला. आपण सिद्धूची एनर्जी बघतो. पण खूपवेळा मी त्याला सेटवर त्याची ती बाजू पाहिली जेव्हा तो खूप लो, कॅमेरा आला की एनर्जीने बोलणारा, बाकीच्या वेळेश शांत बसणारा."

याच मुलाखतीत रिंकूने तिच्या रिलेशनशिपबाबतही सांगितलं. रिंकूला बॉयफ्रेंड नको असून तिला नवरा हवा असल्याचं तिनं सांगितलं.  ती म्हणाली मी बॉयफ्रेंड पटवणारी मुलगी नाही. नवरा पाहिजे आपल्याला. रिंकूचं हे स्टेटमेन्ट चांगलंच चर्चेत आलं आहे.