Priya Marathe : प्रियाच्या निधनानंतर पहिल्यांदाच समोर आले शंतनू मोघे, Photos

अभिनेत्री प्रिया मराठे हिच्या निधनाने संपूर्ण मराठी सिनेसृष्टी शोकाकुळ झाली. तिचा पती शंतनु मोघे याच्यावर दुःखाचा डोंगर कोसळला. प्रियाच्या शेवटच्या दिवसांत शंतनूने प्रियाची साथ दिली.

प्रियाने तिच्या आजारपणाबद्दल कोणालाच सांगितलं नव्हतं. या कठीण काळात ती कोणालाच भेटली देखील नव्हती. शंतनुच तिच्यासोबत कायम होता. प्रियाच्या निधनानंतरही शंतनु कुठे दिसला नव्हता.

31 ऑगस्टला प्रियाचं निधन झालं. प्रियाच्या निधनाच्या 19 दिवसांनी शंतनू पहिल्यांदा समोर आला आहे.

प्रियाच्या निधनाच्या काही दिवस आधीच शंतनुने स्टार प्रवाहवरील 'येड लागलं प्रेमाचं' मालिकेत एन्ट्री घेतली होती. प्रियाच्या निधनानंतर त्याने मालिकेतून ब्रेक घेतला.

प्रियाच्या निधनानंतर शंतनु मोघेनं जवळपास 15 दिवस काम थांबवलं होतं. मात्र आता त्याने पुन्हा एकदा छोट्या पडद्यावर पुनरागमन केलं आहे. या मालिकेच्या माध्यमातून पहिल्यांदा सर्वांसमोर आला आहे.

येडं लागलं प्रेमाचं या मालिकेत शंतनुने एन्ट्री केल्यानंतर प्रियाने त्याचा एपिसोड पाहिला होता. त्यानंतर दुसऱ्या दिवशी सकाळी प्रियानं या जगाता निरोप घेतला.

'येड लागलं प्रेमाचं' मालिकेत शंतनु मंजिरीच्या भावाचा रोल करत आहे. मालिकेत मंजिरी रायाशी लग्न करण्याचा निर्णय घेते, मात्र शंतनु तिच्या निर्णयाला विरोध करतो.

या नव्या ट्विस्टमुळे मालिका आणखी रंजक बनली आहे. प्रेक्षकांनी शंतनुला पुन्हा स्क्रीनवर पाहून आनंद व्यक्त केला आहे.