Rekha Father : 200 हून अधिक सिनेमे, केली 4 लग्न; कोण होते अभिनेत्री रेखाचे वडील जेमिनी गणेशन?

बॉलिवूडची एव्हरग्रीन अभिनेत्री रेखा आज सिनेमांत काम करत नसली तरी अनेक शोमधून प्रेक्षकांच्या भेटीला येत असते. रेखानं बॉलिवूडला अनेक ब्लॉकबस्टर सिनेमे दिली. रेखाच्या सिनेमांबरोबरच तिचं पर्सनल लाइफही नेहमीच चर्चेत राहिलं. रेखाचे आई-वडील दोघेही कलाकार होते. तिची आई पुष्पावल्ली ही साऊथची प्रसिद्ध अभिनेत्री होती.

रेखाचे वडील जेमिनी गणेशन हे देखील प्रसिद्ध अभिनेते होते. असं म्हणतात गणेशन यांनी रेखाला कधीच आपली मुलगी मानली नाही. त्यांचे वैयक्तिक वाद होते. पण कोण होते रेखाचे वडील जेमिनी गणेशन?

रेखाचे वडील जेमिनी गणेशन यांचा जन्म 17 नोव्हेंबर 1920 साली पुदुकोट्टईमध्ये झाला. आज ते या जगात असते तर त्यांचा 105 वा वाढदिवस साजरा करत असते. त्यांनी वयाच्या 84 व्या वर्षी चेन्नईमध्ये अखेरचा श्वास घेतला.

त्यांचं खरं नाव रामासामी गणेशन होतं. पण सिनेमात आल्यानंतर त्यांनी स्वत:चं नाव जेमिनी गणेशन असं ठेवलं. त्यांचे सिनेमे आणि पर्सनल लाईफ नेहमीच चर्चेत राहिली.

जेमिनी गणेशन यांनी एक दोन नाही तर चार लग्न केली होती. 1940 साली जेमिनी गणेशन 20 वर्षांचे असताना त्यांचं पहिलं लग्न अलामेलु यांच्याशी झालं. त्यानंतर ते त्यांची सह अभिनेत्री सावित्रीच्या प्रेमात पडले.

विवाहित असूनही जेमिनी गणेशन यांनी सावित्रीशी दुसरं लग्न केलं. दोघांनी अनेक सिनेमांमध्ये काम केलं. जेमिनी गणेशनल यांना पहिल्या लग्नानंतर चार मुली झाल्या. तर दुसऱ्या लग्नानंतर दोन मुलं झाली.

जेमिनी गणेशन यांचं तिसरं लग्न साऊथची फेमस अभिनेत्री पुष्पावल्लीबरोबर झालं होतं. 1946 साली दोघांनी लग्न केलं. दोघांनी अभिनेत्री रेखा आणि राधा अशा दोन मुली झाल्या. रेखाने देखील आपल्या आई-वडिलांच्या पाऊलावर पाऊल ठेवत इंडस्ट्रीत नाव कमावलं.

असं म्हणतात की जेमिनी गणेशनल यांचं पुष्पावल्लीसोबत अफेअर होतं आणि त्यातून त्यांना दोन मुली झाली. गणेशन यांनी रेखाला कधीच आपली मुलगी मानली नाही.

तीन लग्न झालेली असताना गणेशन यांनी चौथ लग्नही केलं. 1998 साली जूलियाना एंड्रयू हिच्याबरोबर चौथा संसार थाटला. जेमिनी गणेशन यांची पर्सनल लाईफ एखाद्या सिनेमाच्या स्क्रिप्टपेक्षा कमी नव्हती.

जेमिनी गणेशन हे प्रामुख्याने तमिळ सिनेमाचे हिरो होते. त्यांनी 50 वर्ष इंडस्ट्रीत काम केलं. या काळात त्यांनी 200 हून अधिक सिनेमात काम केलं. सिनेमात ते रोमँटीक हिरो म्हणून प्रसिद्ध होते.