कधी तोडफोड, कधी बंदी, 'धुरंधर' ते 'छावा', 2025 मध्ये वादाच्या भोवऱ्यात अडकल्या या 9 फिल्म

इमरजेन्सी (Emergency) : कंगना रनौतचा 'इमरजेन्सी' हा चित्रपट 17 जानेवारीला प्रदर्शित झाला होता. 1975 मधील इमरजेन्सीवर आधारित या चित्रपटात कंगना रनौत इंदिरा गांधी यांच्या भूमिकेत होती. रिलीजआधीच हा चित्रपट वादाच्या भोवऱ्यात अडकला. सिख संघटनांकडून या चित्रपटाला विरोध करण्यात आला होता. पण तरीही हा चित्रपट रिलीज झाला. कंगनाच्या अभिनयाचं कौतुक झालं. पण बॉक्स ऑफिसवर जादू दाखवण्यात हा चित्रपट कमी पडला.

छावा (Chhava) : विकी कौशल स्टारर 'छावा' हा चित्रपट 14 जानेवारी 2025 रोजी थिएटरमध्ये रिलीज झाला होता. छत्रपती संभाजी महाराज यांच्या आयुष्यावर आधारित या चित्रपटाचा ट्रेलर रिलीज होताच हा वादाच्या भोवऱ्यात अडकला. चित्रपटातील एका गाण्यात छत्रपती संभाजी महाराज डान्स करताना दाखवल्याने या चित्रपटावर मोठ्या प्रमाणात विरोध झाला. पुढे या चित्रपटातून डान्स करतानाचा सीन हटवण्यात आला. पण फिल्म मात्र चर्चेत राहिली.

जाट (Jaat) : सनी देओल आणि रणदीप हुड्डा यांची 'जाट' ही अॅक्शन फिल्म 10 एप्रिलला रिलीज झाली. एका चर्चमधील सीनदरम्यान ख्रिस्ती समुदाय नाराज झाला. या चित्रपटातील त्या सीनविरोधात तक्रार दाखल करण्यात आली. विरोधानंतर सिनेमातील तो सीन काढून टाकण्यात आला.

फुले (Phule) : प्रतीक गांधी आणि पत्रलेखा स्टारर 'फुले' हा चित्रपट 25 एप्रिलला थिएटरमध्ये रिलीज झाला होता. ज्योतिराव आणि सावित्रीबाई फुले यांनी ब्राह्मण समुदाय चुकीच्या पद्धतीने या चित्रपटात दाखवला गेल्याचा आरोप करण्यात आला. नाराज झालेल्या ब्राह्मण संघटणेने या चित्रपटाला विरोध केला.

हरि हर वीरा मल्लू (Hari Hara Veera Mallu) : पवन कल्याण अभिनीत 'हरि हर वीरा मल्लू' या चित्रपटावर छेडछाड करण्याचा आरोप करण्यात आला. 24 जुलै 2025 रोजी ही फिल्म सिनेमागृहात प्रदर्शित झाली होती.

उदयपुर फाइल्स (Udaipur Files) : 'उदयपुर फाइल्स' ही फिल्म 8 ऑगस्ट 2025 रोजी 4500 स्क्रीन्सवर रिलीज करण्यात आली. 2022 मधील कन्हैयालाल हत्याकांडवर आधारित या चित्रपटात मुस्लिम समाजाला चुकीच्या पद्धतीने दाखवल्याचा आरोप करण्यात आला. तब्बल 55 सीन्स हटवल्यानंतर ही फिल्म पुन्हा रिलीज करण्यात आली.

अबीर गुलाल (Abir Gulal) : पाकिस्तानी अभिनेता फवाद खान आणि वाणी कपूर यांच्या 'अबीर गुलाल' या चित्रपटावर पहलगाम हल्ल्यानंतर बंदी घालण्यात आली. पाकिस्तानी अभिनेता असल्याने या चित्रपटाचं रिलीज थांबवण्यात आलं होतं. पण पुढे 12 सप्टेंबरला हा चित्रपट रिलीज करण्यात आला.

द बंगाल फाइल्स (The Bengal Files) : विवेक अग्निहोत्री दिग्दर्शित 'द बंगाल फाइल्स' हा चित्रपट 5 सप्टेंबर 2025 रोजी रिलीज करण्यात आला होता. 1946 मधील हिसेंवर आधारित या चित्रपटात प्रोपगंडाचे आरोप करण्यात आले होते. पश्चिम बंगालमध्ये या चित्रपटावर मोठ्या प्रमाणात विरोध पाहायला मिळाला.

धुरंधर (Dhurandhar) : आदित्य धर दिग्दर्शित 'धुरंधर' ही फिल्म 5 डिसेंबर 2025 रोजी थिएटरमध्ये रिलीज करण्यात आली असून बॉक्स ऑफिसवर दणदणीत कमाई करत आहे. मेजर मोहित शर्मा यांच्या कुटुंबियांनी दावा केला होता की ही फिल्म त्यांच्या मुलावर आधारित आहे. पण पुढे सेन्सॉर बोर्डने काल्पनिक ठरवत या चित्रपटाच्या रिलीजला हिरवा कंदील दिला.