General Knowledge : 32 मेंदू, 10 डोळे आणि 300 दात! जगातील सर्वात विचित्र प्राणी कोणता, तुम्हाला माहितीय?

आपल्या पृथ्वीवर कोट्यवधी प्रकारचे प्राणी, पक्षी आणि कीटक राहतात. प्रत्येक जीवाची स्वतःची अशी वेगळी वैशिष्ट्ये आहेत. पण आज आपण अशा एका प्राण्याबद्दल बोलणार आहोत, ज्याला 1 नव्हे तर 32 मेंदू आहेत. इतकंच नाही, तर त्याला 10 डोळे आणि 300 दात देखील आहेत. चला तर मग शोधूया हा प्राणी नेमका कोणता आहे?

जगात तुम्ही अनेक प्रकारचे जीवजंतू पाहिले असतील. काही जीव त्यांच्या खास गुणांमुळे विशेष मानले जातात. आज आम्ही तुम्हाला अशाच एका जीवाबद्दल सांगणार आहोत, ज्याला 32 मेंदू, 10 डोळे आणि 300 दात आहेत.

माणूस असो किंवा प्राणी, प्रत्येकाला एकच मेंदू असतो, पण जळूच्या शरीरात 1 नाही तर 32 मेंदू असतात. मात्र, या जीवाला 32 मेंदू असले तरी, तो मानवी मेंदूला हरवू शकत नाही.

जळूला 3 जबडे असतात आणि प्रत्येक जबड्यात 100 दात असतात. याच दातांच्या मदतीने तो मानवी शरीरातून रक्त शोषतो. तुम्हाला हे जाणून आश्चर्य वाटेल की एक जळू आपल्या वजनाच्या 10 पट जास्त रक्त पिऊ शकते.

जळूला 5 जोड म्हणजेच 10 डोळे असतात. मात्र, त्याचे डोळे सामान्य असतात, ज्यामुळे तो अंधार किंवा प्रकाश, हालचाल आणि खडकाळ आकार ओळखू शकतो.

जळूच्या शरीराकडे पाहिल्यास तुम्हाला दिसेल की त्याचे शरीर 32 भागांमध्ये विभागलेले असते आणि प्रत्येक भागाचा स्वतःचा मेंदू असतो. खरं तर, हे 32 मेंदू नसून एकाच मेंदूचे 32 भाग आहेत.

जळूचे शरीर 32 खंडांमध्ये विभागलेले असले तरी ते जोडलेले राहते. खरं तर, प्रत्येक खंडात स्वतःचे मज्जासंस्थेचे गुच्छ (नर्व्ह गँग्लिया) असतात, जे पुढील खंडाशी जोडलेले असतात.

जळवांच्या 650 हून अधिक प्रजाती आहेत. त्या आकार, आहार आणि निवासस्थानाच्या बाबतीत भिन्न आहेत. हे जीव सामान्यतः चिखल, नद्या आणि तलावांमध्ये राहतात. जळूची सर्वात लोकप्रिय प्रजाती म्हणजे हिरुडो मेडिसिनलिस, ज्याला औषधी जळू म्हणून ओळखले जाते. त्याचा उपयोग अनेक वैद्यकीय प्रक्रियांमध्ये केला जातो.