Pregnancy Dental Checkup : प्रेग्नन्सी प्लॅन करण्याआधी दातांची तपासणी करा; दंततज्ज्ञांचा सल्ला, पण संबंध काय?

प्रेग्नन्सीचं प्लॅनिंग करायचं की शक्यतो लोक ब्लड टेस्टसारख्या काही टेस्ट करतात. डायबेटिज, फॉलिक अॅसिड, वजन याचा विचार करतात. पण प्रेग्नन्सीसाठी फक्त इतक्या टेस्ट करून पुरेशा नाही, तर ओरल टेस्ट विशेषत: दातांचीही तपासणी व्हायला हवी.

प्रेग्नन्सी प्लॅनिंगसाठी दातांची तपासणी वाचूनच तुम्हाला आश्चर्य वाटलं असेल. पण दातांच्या डॉक्टरांनी हा सल्ला दिला आहे. प्रेग्नन्सी प्लॅन करताना किंवा प्रेग्नन्सीआधी दातांची तपासणी करा असं त्यांनी सांगितलं, यामागील कारणही सांगितलं आहे.

डॉ. भार्गवी कोल्हापुरे असं या डॉक्टरचं नाव. एका पॉडकास्टवर त्यांनी सांगितलं की, प्रेग्न्सीत जसं डायबेटिस, वजन याचा विचार केला जातो, तसा दातांचा फारसा विचार केला जात नाही. पण दातांचं दातांची प्री प्रेग्नन्सी म्हणजे किंवा प्री कन्सेप्श चेकअप होणं खूप महत्त्वांचं आहे.

आता तुम्हाला प्रश्न पडला असेल की दात आणि प्रेग्नन्सीचा काय संबंध? तर तो समजावून सांगत प्रेग्नन्सीआधी दातांची तपासणी का करायची, यामागील कारण डॉक्टरांनी सांगितलं आहे.

डॉ. भार्गवी म्हणाल्या,  यामागील मुख्य कारण म्हणजे प्रेग्न्सीत दातांच्या समस्या आल्या तर बरीच बंधन येऊ शकतात. आधीच काही हिरड्यांच्या, दातांच्या समस्या आहेत, 20 ते 40 वयात प्रेग्न्सी प्लॅन करता तेव्हा या कालावधीत अक्कल दाढीची समस्या सामान्यपणे दिसून येते.  हे जर काही प्रेग्नन्सीच्या आधीच तपासलं तर प्रेग्नंट झाल्यानंतर किंवा प्रेग्नन्सीच्या कालावधीत अशी समस्या उद्भवणार नाही ज्याच्यावरील उपचार आपल्यासाठी कठीण जातील.