Idli : शिल्लक इडलीपासून मसाला इडली फ्राय कशी बनवायची? जास्त विचार करुच नका, घरातील 'या' गोष्टींनी बनेल भन्नाट पदार्थ

जेवण किंवा नाष्टा किती बनवायचा कोणी किती खाणार हा प्रश्न नेहमीच गृहिणींना असतो आणि योग्य प्रमाणात जेवण नेहमीच बनवणं शक्य नाही अशात गृहिणी जास्तीचं जेवणं बनवतात. करण उरलं तर एकवेळेस नंतर खाता येणं. पण कोणालाही अर्ध पोटी रहाण्याची गरज भासणार नाही. पण मग यानंतर गृहिणींच्या मनात नेहमी प्रश्न येतो की उरलेल्या पदार्थाचं काय करायचं? त्यामुळे गृहिणी नेहमी वेगवेगळ्या पर्यायांकडे वळतात आणि काहीतरी जेवणात फ्यूजन करण्याकडे वळतात.

इडली देखील असा एक पदार्थ आहे, जो खायला सगळ्यांना आवडतं. पण कोण किती खाईल याचा अंदाज लावता येत नाही. त्यामुळे ती नेहमीच जास्त बनवली जाते. पण एकदा इडली पोटभर खाल्यानंतर अनेकदा लोकांचे मन उडते आणि परत खाल्ली जात नाही. अशावेळी आम्ही इडलीपासून असा एक पदार्थ सांगणार आहोत जो खूपट टेस्टी आणि हेल्दी आहे.

हा पदार्थ आहे झटपट होणारा 'मसाला इडली फ्राय', जो लहान मुलांना आणि मोठ्यांनाही खूप आवडतो. या रेसिपीमध्ये कमीत कमी साहित्य लागते आणि चव मात्र लाजवाब असते. चला तर मग, शिल्लक इडली फ्राय बनवण्याची सोपी आणि कृती पाहूया.

आवश्यक साहित्य (Ingredients Required)शिल्लक इडली 8 ते 10 नगतेल (Oil) 2 मोठे चमचेमोहरी (Mustard Seeds)1/2 चमचाकढीपत्ता (Curry Leaves)5-6 पानेबारीक चिरलेला कांदा 1 मध्यम आकाराचाबारीक चिरलेली शिमला मिरची (ऐच्छिक)1/4 वाटीटोमॅटो प्यूरी / बारीक चिरलेला टोमॅटो 2 मोठे चमचेमसाले: हळद, लाल तिखट, गरम मसाला प्रत्येकी 1/2 चमचामीठ चवीनुसार कोथिंबीर सजावटीसाठी

मसाला इडली फ्राय बनवण्याची कृती (Recipe)शिल्लक इडलीचे चौरस तुकडे (Cubes) किंवा चार भाग कापून घ्या. इडली ताजी असेल तर थोडी थंड करून कापल्यास तुकडे व्यवस्थित राहतात.जर तुमच्या इडल्या खूपच कडक झाल्या असतील, तर त्या 30 सेकंद मायक्रोवेव्हमध्ये गरम करून घ्या किंवा वाफवून घ्या.

मसाला तयार करणेएका पॅनमध्ये मध्यम आचेवर तेल गरम करा. तेल गरम झाल्यावर त्यात मोहरी आणि कढीपत्ता टाकून तडतडू द्या. आता पॅनमध्ये चिरलेला कांदा घालून तो सोनेरी होईपर्यंत (Golden Brown) परतून घ्या. यानंतर त्यात शिमला मिरची (वापरत असाल तर) टाकून 1 मिनिट परतून घ्या.

मसाले मिक्स करणेकांदा परतल्यावर त्यात टोमॅटो प्यूरी घालून तेल सुटेपर्यंत शिजवा.आता सर्व मसाले (हळद, लाल तिखट, गरम मसाला) आणि चवीनुसार मीठ (लक्षात ठेवा, इडलीमध्ये आधीच मीठ आहे) घालून मसाला व्यवस्थित मिक्स करून घ्या.

तयार झालेल्या मसाल्यात इडलीचे तुकडे टाका. इडलीचे तुकडे मसाल्यात हलक्या हाताने आणि हळूवारपणे (Slowly and gently) मिसळा, जेणेकरून मसाला प्रत्येक तुकड्याला लागेल आणि इडली तुटणार नाही. मध्यम आचेवर इडलीचे तुकडे 2 ते 3 मिनिटे फ्राय करून घ्या. गॅस बंद करा. बारीक चिरलेल्या कोथिंबीरीने सजवा.गरमागरम 'मसाला इडली फ्राय' आता खाण्यासाठी तयार आहे. हा पदार्थ तुम्ही नुसताच किंवा टोमॅटो सॉससोबत सर्व्ह करू शकता.