काचेचा राजवाडा, ज्याठिकाणी 'प्यार किया तो डरना क्या...' गाण्याची झाली होती शुटिंग, सुंदर PHOTOS

जयपूरच्या आमेर पॅलेसमध्ये बनवलेला शीश महल याचे स्वतःच एक वेगळे विशेष स्थान आहे. स्थापत्यकलेचा आणि कारागिरीचा हा एक अनोखा नमुना आहे. आजपर्यंत अभियंते आणि वास्तुविशारदांना समजू शकलेले नाही, अशा पद्धतीने ते बांधले गेले आहे.

जयपूर नवीन वर्षाला फिरायला येणाऱ्या पर्यटकांची पहिली पसंत आहे. येथील ऐतिहासिक किल्ले पाहण्यासाठी जगभरातील पर्यटक याठिकाणी येतात. असाच एक अनोखा काचेपासून तयार करण्यात आलेला महाल, ज्याची बनावट आणि सुंदरता पाहून लोकंही आश्चर्यचकित होतात.

शीश महल हा जयपूरचा सर्वात सुंदर राजवाडा (महाल) आहे. त्याची भव्य वास्तुकला आणि रचना पाहण्यासारखी आहे. शीशमहाल बाहेरून सामान्य दिसतो. पण त्याच्या आतील रचना पाहून लोक थक्क होतात. त्यामुळे या राजवाड्याच्या अप्रतिम सौंदर्यामुळे येथे फोटोग्राफी आणि व्हिडिओग्राफी करण्यास पूर्णपणे मनाई आहे. जयपूरच्या शीश महलबद्दल, वॅक्स म्युझियम जयपूरचे संस्थापक संचालक अनुप श्रीवास्तव म्हणतात की, जर कोणी पर्यटक जयपूरला भेट देण्यासाठी आला असेल आणि त्याने येथील शीश महाल पाहिला नसेल तर त्याची जयपूरची भेट अपूर्ण मानली जाते.

ते पुढे सांगतात की, शीश महालच्या आत, प्रत्येक रंगाच्या सुमारे 25 दशलक्ष काचेच्या तुकड्यांपासून ते बनवले गेले आहे. महालात प्रवेश करताच शरीरातील सर्व संवेदनांना एक वेगळीच अनुभूती येते. येथील आतील मजलाही काचेच्या तुकड्यांचा आहे. महालात आत अशी एकही जागा नाही जिथे काच नाही, म्हणून त्याला शीश महाल असे नाव पडले. प्यार किया तो डरना क्या... या गाण्याची शुटींग याठिकाणी झाली होती.

आज बांधलेल्या मोठ्या काचेच्या इमारती आमेर किल्ल्यात बांधलेल्या शीश महालाच्या सौंदर्याच्या तुलनेत फिक्या पडल्या आहेत. शीश महालची रचना राजस्थानी स्थापत्य कलेवर इस्लामिक वास्तुकलेचा प्रभाव दर्शवते. 17व्या शतकात 1727 मध्ये जयपूरचे महाराजा सवाई मान सिंह यांनी हा शीश महाल बांधला होता. या शीश महालाला दर्पण महाल असेही म्हणतात. हा राजवाडा राजाने त्याच्या राणीसाठी बांधला होता. यामध्ये विशेषतः राजवाड्याच्या भिंती आणि छत सुंदर पेंटिंग्ज आणि फुलांच्या डिझाईन्सने सजवलेले आहेत. शीशमहालात एक मेणबत्तीही पेटवली तर हजारो शेकोटींचा प्रकाश कमी पडतो, असे येथील चित्र आहे.

शीशमहालच्या बाहेर पर्यटकांसाठी राजस्थानी संस्कृतीशी संबंधित कठपुतळी नृत्य आणि जादूचे खेळ देखील दाखवले जातात. तसेच, काचेचा रथ आणि मुलांसाठी वाघाची डमी राजवाड्याच्या बाहेर ठेवण्यात आली आहे. याठिकाणी लोकांना फोटोग्राफी करण्यास परवानगी आहे. शीश महालाला भेट देण्यासाठी भारतीय नागरिकांसाठी 500 रुपये आणि परदेशी पर्यटकांसाठी 700 रुपये शुल्क आकारले जाते. शीशमहाल सकाळी 10 ते संध्याकाळी 6:30 पर्यंत पाहता येईल.