Dental Care : थंडीत तुमचेही दात दुखतात का? समोर आलं कारण, घरच्या घरी करा हे उपाय

आजकाल दातांशी संबंधित समस्या सर्वसामान्य बनली आहे. अनेकजण दातांमध्ये वेदना आणि संवेदनशीलता अनुभवतात, विशेषतः हिवाळ्यात या समस्येत वाढ होते. थंड पाणी पिणे, आइसक्रीम खाणे, किंवा थंड हवेत जाणे यामुळे दातांमध्ये वेदना आणि झिणझिण्या होऊ शकतात.

अशा स्थितीत थंडीच्या मोसमात दातांची योग्य काळजी घेणे अत्यंत महत्त्वाचे आहे, जेणेकरून हिवाळ्यात वाढणाऱ्या समस्यांपासून दातांचे संरक्षण करता येईल.

दातांमध्ये वेदना का होतात?
डॉ. देवमय मंडल यांच्या मते, दातांमध्ये दोन प्रकारच्या संवेदनशीलतेमुळे वेदना होऊ शकते: डेंटिनल आणि पल्प सेंसिटिविटी. डेंटिनल सेंसिटिविटी एक सामान्य समस्या आहे, तर पल्प सेंसिटिविटी गंभीर ठरू शकते, विशेषतः दातांमध्ये किड किंवा जखम झाल्यास. पल्प सेंसिटिविटीमुळे दातांमध्ये तीव्र वेदना आणि माणसाला तापसुद्धा येऊ शकतो.

यावर उपाय काय?
योग्य पेस्टची निवड: दातांमधील वेदना आणि संवेदनशीलतेपासून आराम मिळवण्यासाठी विनाकेमीकल पेस्ट वापरण्याची डॉ. मंडल यांनी शिफारस केली आहे.

पल्प सेंसिटिविटीसाठी उपचार: पल्प सेंसिटिविटी असल्यास, डॉक्टरांनी दिलेल्या औषधांचा वापर करा, आणि गरज पडल्यास रूट कॅनाल ट्रीटमेंट घ्या.

दररोज दातांची काळजी कशी घ्यावी?
दातांची नियमित देखभाल करून त्यांना दीर्घकाळ निरोगी ठेवता येते. ग्रामीण बंगालमध्ये दातांमध्ये वेदना असताना गरम शेक देतात, परंतु डॉक्टरांनी हा उपाय टाळण्याचा सल्ला दिला आहे. काही सोप्या नियमांचे पालन करून दातांच्या वेदनेपासून मुक्तता मिळवता येऊ शकते.