Ahmednagar News : रक्षाबंधनच्या पूर्वसंध्येला घात झाला! 3 वर्षीय चिमुकल्याचा बिबट्याने घेतला बळी; PHOTOS

सणासुदीच्या दिवशी अहमदनगर जिल्ह्याच्या राहाता तालुक्यातून एक धक्कादायक घटना समोर आली आहे.

राहाता तालुक्यातील चितळीगावात एका बिबट्याने 3 वर्षीय चिमुरड्यावर हल्ला केला. यात बालकाचा जागीच मृत्यू झाला आहे.

घरासमोर खेळत असलेल्या 3 वर्षीय प्रथमेश वाघ या बालकावर बिबट्याने अचानक झडप घातली.

वन विभागाच्या हलगर्जीपणामुळे एका चिमुकल्याचा बळी गेल्याचा आरोप स्थानिक करत आहेत. वारंवार पत्र देऊन देखील वनविभागाने दुर्लक्ष केल्याचा नातेवाईकांनी आरोप केला आहे.

अनेक दिवसांपासून चितळी परिसरात या बिबट्याचा मुक्त संचार पाहायला मिळत होता. बिबट्याच्या हल्ल्यात चिमुकल्याचा बळी गेल्याने गावात शोककळा पसरली आहे.