Accident News : आळंदीहून शिर्डीकडे जाणाऱ्या पायी पालखीत कंटेनर घुसला, दोघांचा मृत्यू 8 गंभीर, पाहा Photo

पुणे जिल्ह्यातील आळंदी येथून शिर्डीला जाणाऱ्या साईभक्तांवर काळाने घाला घातला आहे.

संगमनेर तालुक्यातील घारगाव परिसरात नाशिक पुणे महामार्गावर भीषण अपघात घडला आहे.

शिर्डीकडे पायी जाणाऱ्या पालखीत अचानक कंटेनर घुसला. अपघातात 2 जणांचा मृत्यू झाला आहे. तर 8 ते 10 जण गंभीर जखमी झाले आहेत.

हा अपघात इतका भीषण होता की मृतांचा आकडा वाढण्याची शक्यता वर्तवण्यात येत आहे.

गेल्या काही वर्षात पायी दिंडीमध्ये वाहन घुसून अपघात झाल्याच्या अनेक घटना घडल्या आहेत. यावर काहीतरी ठोस उपाययोजना करण्याची आवश्यकता आहे.