Beed Weather: नांदेडमध्ये उष्णतेची लाट, बीड, लातूरला काय स्थिती? आजचा हवामान अंदाज

महाराष्ट्रासह मराठवाड्यात उष्णतेची उष्णतेची तीव्रता वाढली आहे. आज देखील मराठवाड्याचा पारा 42 पार राहणार आहे. बीड, लातूर, धाराशिव आणि नांदेड या जिल्ह्यांमध्ये कमाल तापमान 42 अंश ते 45 अंश सेल्सिअसच्या दरम्यान राहणार आहे. पुढील दोन-तीन दिवस उष्णतेची तीव्रता कायम राहणार असल्याचा इशारा हवामान विभागाने दिला आहे.

बीड जिल्ह्यात 24 एप्रिल रोजी कमाल तापमान 43 अंश सेल्सिअस तर किमान तापमान 27 अंश सेल्सिअस राहण्याची शक्यता आहे. येथील आकाश स्वच्छ राहणार असून दुपारी ऊन खूप तीव्र असेल. 25 एप्रिल रोजीही बीडमध्ये तापमानात फारसा बदल होण्याची शक्यता नाही. त्यामुळे दुपारी गरजेशिवाय बाहेर पडणे टाळण्याचा सल्ला देण्यात आला आहे.

लातूर जिल्ह्यात 24 एप्रिल रोजी कमाल तापमान 42 अंश व किमान तापमान 28 अंश सेल्सिअस राहील. लातूरमध्ये आकाश निरभ्र राहणार असून उन्हाची तीव्रता अधिक जाणवेल. 25 एप्रिल रोजी तापमानात थोडीशी घट होण्याची शक्यता असून कमाल तापमान 41 अंशापर्यंत येऊ शकते.

धाराशिव जिल्ह्यात 24 एप्रिलला कमाल तापमान 43 अंश आणि किमान तापमान 28 अंश सेल्सिअस राहण्याची शक्यता आहे. आकाश पूर्णपणे स्वच्छ राहील आणि उन्हाचा तडाखा अधिक तीव्र जाणवेल. 25 एप्रिल रोजी देखील उन्हाचा जोर कायम राहील.

नांदेड जिल्ह्यात 24 एप्रिलला सर्वाधिक उष्णता जाणवणार आहे. येथील कमाल तापमान 45 अंश सेल्सिअस व किमान तापमान 29 अंश राहील. 25 एप्रिललाही तापमानात फारसा बदल होणार नाही. नांदेडमध्ये उष्माघाताचा धोका अधिक असल्याने नागरिकांनी विशेष खबरदारी घेणे गरजेचे आहे.