मुंबईत बाळासाहेबांचा बॅनर महापालिका अधिकाऱ्यांनी काढला, शिवसैनिक आक्रमक

शिवसेनाप्रमुख बाळासाहेब ठाकरे यांची जयंती अवघ्या तीन दिवसांवर आली आहे. या पार्श्वभूमीवर शिवसेनेकडून तयारी करण्यात येत आहे

बाळासाहेबांच्या जयंतीनिमित्त मुंबईतील प्रतीक्षानगर येथे बॅनर लावण्यात आला होता.

मात्र बाळासाहेबांचा हा बॅनर महापालिका अधिकाऱ्याने काढल्याने स्थानिक ठाकरे गटाचे शिवसैनिक आक्रमक झाल्याचे पाहायला मिळाले.

सायन प्रतीक्षानगर येथे शिवसेना शाखा क्रमांक 173 येथे शिवसेनाप्रमुखांचा बॅनर लावण्यात आला होता

ठाकरे गटाचे शिवसैनिक रस्त्यावर उतरून निदर्शने करत आहेत.

त्यामुळे काही वेळ गोंधळाचे वातावरण निर्माण झाले होते

गोंधळाची परिस्थिती निर्माण झाल्यानंतर तात्काळ पोलीस तिथे पोहचले

बाळासाहेब ठाकरे यांच्या जयंतीनिमित्त राज्यभरातून कार्यकर्ते बाळासाहेब ठाकरे यांच्या शिवाजी पार्क स्मृतिस्थळावर अभिवादन करण्यासाठी दरवर्षी येतात.