भाजपच्या माजी आमदाराचे हटके आंदोलन, थेट जिल्हा परिषद कार्यालयात अंथरून टाकून झोपले, Photos

माजी आमदार आणि भाजपचे नेते सुरेश लाड यांनी रायगडच्या जिल्हा परिषद कार्यालयात हटके आंदोलन केले आहे.थेट जिल्हा परिषद कार्यलयात अंथरून टाकून झोपून आंदोलन केले आहे.

श्रीवर्धन मधून कर्जत येथे बदली झालेल्या सात शिक्षकांना तातडीने बदली झालेल्या झाळांमध्ये रूजू होण्यास सांगावे या मागणीसाठी हे आंदोलन केले होते.

जोवर शिक्षकांना बदलीच्या ठिकाणी हजर होण्यास सांगितले जाणार नाही तोवर कार्यालयातून बाहेर पडणार नाही अशी भूमिका त्यांनी घेतली होती.

खरं तर मंत्री आदिती तटकरे यांच्याकडून तोंडी आदेश असल्याने म्हसळा,श्रीवर्धन आणि तळा येथील शिक्षकांना सोडता येणार नसल्याचे शिक्षण विभागाने सांगितले होते.

या घटनेमुळे संतापलेल्या सुरेश लाड यांनी थेट रायगड जिल्हा परिषदेच्या मुख्य कार्यकारी अधिकारी नेहा भोसले यांच्या दालनात झोपून आंदोलन केले.

यावेळी या परिस्थितीवर मार्ग काढण्याऐवजी मुख्य कार्यकारी अधिकारी नेहा भोसले यांनी या आंदोलनाकडे दुर्लक्ष करणे पसंत केले. त्यामुळे एकच गोंधळ उडाला होता..