Ratnagiri Ganesh Visarjan : रत्नागिरीमध्ये बाप्पाच्या विसर्जनात मगरीचे विघ्न? फोडावे लागतायेत फटाक्यांचे बॉम्ब, पाहा PHOTO

आज राज्यभर दीड दिवसांच्या बाप्पाला भावपूर्ण निरोप देण्यात येत आहे. रत्नागिरी जिल्ह्यातल्या खेडमध्येही गणेशोत्सवाचा आनंद शिगेला पोहचला आहे. मात्र, बाप्पाच्या विसर्जनात इथं मगरींचं विघ्न निर्माण झालं आहे.

खेड येथील जगबुडी नदीमध्ये मगरींचा मोठ्या प्रमाणात वावर असल्याने विसर्जन करताना अडचण येत आहे.

गणरायाचे जगबुडी नदीमध्ये विसर्जन करणारी विसर्जन कट्टा ह्या सामाजिक संस्थेच्या सदस्यांकडून जगबुडी नदीपात्रात असणाऱ्या महाकाय मगरींना पिटाळून लावण्यासाठी नदीपात्रात अक्षरशः फटाक्यांचे बॉम्ब फोडण्यात आले.

गणपती विसर्जनावेळी नदीपात्रात गणेशमूर्तींचे विसर्जन करणाऱ्या विसर्जन कट्टा या संस्थेच्या सदस्यांना महाकाय मगरींमुळे काही दुखापत होऊ नये.

तसेच कोणता अनुचित प्रकार होऊ नये यासाठी नदीत फटाक्यांचे बॉम्ब फोडण्याची उपाययोजना विसर्जन कट्टा संस्थेकडून केली जात आहे.

किमान गणपती विसर्जनावेळी तरी वन विभागाच्या अधिकाऱ्यांनी सुरक्षिततेच्या उपाययोजना करण्याची मागणी गणेशभक्तांकडून होत आहे.