Gold Rate Today: होऊदे खर्च! होळीला सोनं स्वस्त! आज तोळ्याला किती मोजावे लागणार, पाहा 24 कॅरेटचे भाव

भारतात सणासुदीला आवर्जून सोन्या-चांदीच्या दागिन्यांची खरेदी केली जाते. आज होळीनिमित्त सराफा बाजारातून काहीशी दिलासादायक बातमी आहे. आज नाशिकमध्ये काहीसं सोनं स्वस्त झालंय. तर चांदीचे दर स्थिर आहेत.

गेल्या काही काळात सोन्या-चांदीच्या दरात सातत्याने वाढ होतेय. आज नाशिक सराफा बाजारात सोन्याचे दर प्रति तोळा 200 रुपयांनी स्वस्त झालंय. त्यामुळे होळीच्या मुहूर्तावर सोनं खरेदी करणारांसाठी काहीसा दिलासा मिळणार आहे.

नाशिकमध्ये आज 24 कॅरेट प्रति 10 ग्रॅम सोन्याचे दर 88 हजार 800 रुपये तर 22 कॅरेट सोन्याचा दर 81 हजार 808 रुपयांवर आहे.

चांदीच्या दरात देखील गेल्या काही काळात मोठी वाढ झालीये. आज चांदीच्या भावात कोणतेही बदल झाले नसून चांदी प्रति किलो 98 हजार 600 रुपयांवर स्थिर आहे.

दरम्यान, अमेरिकेचे राष्ट्राध्यक्ष डोनाल्ड ट्रम्प यांची धोरणे आणि जागतिक घडामोडींचा परिणाम सोन्या-चांदीच्या दरांवर होत आहे. पुढील काळात सोन्या-चांदीच्या दरात आणखी वाढ होण्याची शक्यता आहे.