कोणत्या वयात घ्यायला हवा मेडिक्लेम, तुम्ही तर ही चूक करत नाही?

हेल्थ इन्शुरन्ससाठी लवकरची घेतलेला विमा अधिक फायद्याचा ठरतो. जसे गुंतवणूक लवकर सुरू केल्यास वाढीचा फायदा मिळतो, तसेच आरोग्य विमाही लवकर घेतल्यास प्रीमियम कमी आणि कव्हरेज अधिक मिळते.

कमी प्रीमियम: हेल्थ इन्शुरन्सचे प्रीमियम वाढत्या वयासोबत वाढतात. जर तुमचे वय कमी असेल आणि वैद्यकीय इतिहास स्वच्छ असेल, तर प्रीमियमही कमी राहतो. वाढत्या वयात आजार वाढतात, त्यामुळे प्रीमियम महाग होतो.

उत्तम कव्हरेज: कमी वयात विमा घेतल्यास विमा कंपन्या अधिक कव्हरेज ऑफर करतात. कारण युवा वयोगटातील ग्राहकांकडून क्लेम कमी येतात.

पूर्वीच्या आजारांचे संरक्षण: जर तुम्हाला आधीपासून एखादा आजार असेल, तर विमा कंपन्या २-३ वर्षांचा वेटिंग पिरियड ठरवतात. त्यामुळे विमा लवकर घेतल्यास हा कालावधी कमी होतो आणि कव्हरेज लवकर मिळते.

जर तुम्ही २१ वर्षांचे असाल आणि विमा घेण्याची आर्थिक क्षमता असेल, तर हेल्थ इन्शुरन्स लवकरच घ्यावा. यामुळे भविष्यातील आरोग्यविषयक आर्थिक जोखीम कमी करता येते.

लहान वयात आरोग्य विमा घेणे म्हणजे सध्याच्या आणि भविष्यातील खर्चाची योग्य तरतूद करणे. वेळ न दवडता त्वरित योग्य हेल्थ इन्शुरन्स निवडून भविष्य सुरक्षित करा! कोणत्या कंपनीचा घ्यायचा हे तज्ज्ञांचा सल्ला घेऊन किंवा अभ्यास करुन पैसे गुंतवा, नाहीतर नुकसानही होऊ शकतं.