3 वर्षांच्या FD वर कोणती बँक देतेय सर्वाधिक व्याज? ही लिस्ट करा चेक

कंजर्व्हेटिव्ह इंवेस्टर्स बहुतेकदा फिक्स्ड डिपॉझिट (एफडी) ही एक सेफ आणि फिक्स्ड रिटर्नची गुंतवणूक मानतात. तसंच, तुमचे कष्टाने कमावलेले पैसे फिक्स्ड डिपॉझिटमध्ये गुंतवण्यापूर्वी, कोणती बँक त्यांच्या एफडीवर सर्वाधिक रिटर्न देते हे जाणून घेणे महत्त्वाचे आहे. साधारणपणे, बँकांमधील एफडी व्याजदरांमध्ये फारसा फरक नसतो आणि ते एका मर्यादेत राहतात. खरंतर, 50 बेसिस पॉइंट्सचा छोटासा फरक देखील तुमची गुंतवणूक लक्षणीयरीत्या वाढवू शकतो, विशेषतः जेव्हा गुंतवणूकीची रक्कम मोठी असते आणि कालावधी दीर्घ असतो.

चला एका उदाहरणाद्वारे हे समजून घेण्याचा प्रयत्न करूया. तीन एफडी बँकेने देऊ केलेल्या व्याजदरापेक्षा 0.50% जास्त व्याजदर देत असतील, तर गुंतवणूकदार 10 लाख रुपयांच्या एफडीवर 15,000 रुपये जास्त कमाई करेल. तीच एफडी 20 लाख रुपयांची असेल, तर बचत 30 हजार रुपयांपर्यंत पोहोचेल. देशातील आघाडीच्या व्यावसायिक बँका मुदत ठेवींवर किती रिटर्न देत आहेत हे देखील आपण पाहूया. पाहूया खालील 7 बँका FD वर किती व्याज देत आहेत.

HDFC बँक: ही बँक तीन वर्षांच्या ठेवींवर सामान्य नागरिकांसाठी 6.45% आणि ज्येष्ठ नागरिकांसाठी 6.95% व्याजदर देते. 18-21 महिन्यांच्या ठेवींसाठीही ती सर्वाधिक व्याजदर देते.

स्टेट बँक ऑफ इंडिया (SBI): भारतातील सर्वात मोठी बँक तिच्या तीन वर्षांच्या FD वर ज्येष्ठ नागरिकांसाठी 6.3% आणि 6.8% व्याजदर देते. दोन ते तीन वर्षांच्या ठेवींसाठी सर्वाधिक व्याजदर (6.45% आणि 6.95%) दिले जातात.

ICICI बँक: ही खाजगी क्षेत्रातील बँक तिच्या तीन वर्षांच्या एफडीवर सामान्य नागरिकांसाठी 6.6% आणि ज्येष्ठ नागरिकांसाठी 7.2% व्याजदर देते.

कोटक महिंद्रा बँक: ही बँक तीन वर्षांच्या ठेवींवर सामान्य आणि ज्येष्ठ नागरिकांसाठी 6.4% आणि 6.9% व्याजदर देते. तसंच, 391 दिवस ते दोन वर्षांपेक्षा कमी कालावधीसाठी, बँक सर्वाधिक व्याजदर 6.7% आणि 7.2% देते.

फेडरल बँक: ही खाजगी क्षेत्रातील बँक तीन वर्षांच्या ठेवींवर सामान्य नागरिकांसाठी 6.7% आणि आणि ज्येष्ठ नागरिकांसाठी 7.2% व्याजदर देते. बँकेने दिलेले हे सर्वाधिक व्याजदर आहेत.

कॅनरा बँक: ही सरकारी बँक तिच्या तीन वर्षांच्या ठेवींवर नियमित नागरिकांना 6.25% आणि ज्येष्ठ नागरिकांना 6.75% व्याज देते. खरंतर, 444 दिवसांच्या कालावधीसाठी सर्वाधिक व्याजदर (6.5% आणि 7%) दिले जातात.

युनियन बँक ऑफ इंडिया: ही सरकारी बँक नियमित नागरिकांना त्यांच्या तीन वर्षांच्या एफडीवर 6.6% आणि ज्येष्ठ नागरिकांना 7.1% व्याज देते.