Mumbai Local : पहिल्यांदाच वापरताय Rail Oneॲप? फक्त 5 मिनिटांत काढता येणार लोकल पास; झटपट जाणून घ्या पूर्ण प्रक्रिया

मुंबई लोकलने प्रवास करणाऱ्या प्रवाशांसाठी एक महत्त्वाचा बदल करण्यात आला आहे. आता मासिक लोकल पास काढण्यासाठी रेल वन या नव्या अधिकृत ॲपचाच वापर करावा लागणार आहे.

युटीएस ॲपवरून पास काढण्याची सुविधा बंद करण्यात आल्यामुळे प्रवाशांना नव्या ॲपची सवय लावून घ्यावी लागणार आहे. तुम्हालाही मुंबई लोकलचा नवीन पास काढायचा असल्यास खाली दिलेल्या सोप्या आणि स्पष्ट स्टेप्स फॉलो करून तुम्ही घरबसल्या डिजिटल पास मिळवू शकता.

सर्वप्रथम तुमच्या मोबाईलमध्ये Google Play Store किंवा Apple App Store उघडा आणि तिथे Rail One हे अधिकृत ॲप डाउनलोड करा. ॲप डाउनलोड झाल्यानंतर ते ओपन करा. सुरुवातीला तुम्हाला नवीन खाते तयार करण्याचा पर्याय दिसेल. येथे तुमचा मोबाईल नंबर, नाव आणि आवश्यक वैयक्तिक माहिती भरून नोंदणी करता येते. जर तुमच्याकडे आधीच UTS किंवा IRCTC खाते असेल तर त्या तुम्ही थेट लॉगिन करू शकता.

नोंदणी प्रक्रिया पूर्ण झाल्यानंतर तुमच्या युजरनेम आणि पासवर्डच्या मदतीने ॲपमध्ये लॉगिन करा. लॉगिन केल्यानंतर मुख्य स्क्रिनवर तुम्हाला Reserved, Unreserved आणि Platform असे तीन पर्याय दिसतील. लोकल पास काढण्यासाठी Unreserved या पर्यायावर क्लिक करा.

यानंतर स्क्रीनवर एक नवीन विंडो उघडेल, ज्यामध्ये Normal आणि Season असे दोन पर्याय असतील. Normal हा पर्याय सामान्य लोकल तिकिटांसाठी असून पास काढायचा असल्यास Season हा पर्याय निवडणे आवश्यक आहे. पुढील टप्प्यात Issue आणि Renew असे दोन पर्याय दिसतील.

नवीन पास काढायचा असल्यास Issue वर क्लिक करा तर आधीच असलेला पास नूतनीकरण करायचा असल्यास Renew हा पर्याय वापरता येईल.

यानंतर तुम्हाला पास कुठल्या स्टेशनपासून कुठल्या स्टेशनपर्यंत हवा आहे ते स्टेशन सिलेक्ट करावे लागेल. स्टेशन निवडल्यानंतर Proceed to Book या पर्यायावर क्लिक करा. पुढे ट्रेनचा प्रकार निवडण्याचा पर्याय येईल. यामध्ये साधी लोकल, एसी लोकल किंवा मेल,एक्सप्रेस असे पर्याय उपलब्ध असतात. त्यातील योग्य पर्याय निवडा.

यानंतर पासचा कालावधी Monthly किंवा Quarterly निवडा आणि त्यासोबत फर्स्ट क्लास किंवा सेकंड क्लास यापैकी एक पर्याय निवडा. पुढील स्क्रीनवर तुमचे नाव, पत्ता आणि इतर तपशील दिसतील. हे सर्व तपशील नीट तपासल्यानंतर UPI, नेट बँकिंग किंवा R-Walletच्या माध्यमातून पेमेंट करा. पेमेंट यशस्वी झाल्यानंतर तुमचा डिजिटल लोकल पास त्वरित ॲपमध्ये जनरेट होईल जो तुम्ही My Booking या सेक्शनमध्ये पाहू शकता