Mumbai Rain: रविवारी हवामानात मोठे बदल, कोकणात पुन्हा अलर्ट, मुंबई, ठाण्यात वेगळीच स्थिती

कोकण किनारपट्टीवरील जिल्ह्यांमध्ये शनिवारी पावसाने हजेरी लावली होती. आजही मुंबई, ठाणे आणि नवी मुंबई या परिसरात पाऊस पडणार असल्याचा अंदाज हवामान विभागाने वर्तवला आहे. या आठवड्यात रायगड आणि सिंधुदुर्ग जिल्ह्यांना सतर्कतेचा अलर्ट देण्यात आला होता. मुंबईत ऐन पावसाळ्यातदेखील उकड्याची तीव्रता जाणवत होती. आजही कोकण किनारपट्टीसह अनेक भागांमध्ये मध्यम ते हलक्या सरींचा पाऊस पडणार आहे.

मुंबईत आज हलका ते मध्यम स्वरूपाचा पाऊस पडणार आहे. गेल्या काही दिवसांपासून पावसाचे प्रमाण कमी असल्यामुळे उकड्याचा त्रास वाढला आहे. हवेत आर्द्रतेचे प्रमाण जास्त असल्यामुळे मुंबईकरांना घामाच्या धारांना सामोरे जावे लागणार आहे. कमाल तापमान 31°C तर किमान तापमान 26°C राहण्याचा अंदाज आहे. दुपारच्या सुमारास काही भागांत सरींची तीव्रता किंचित वाढू शकते.

पालघर जिल्ह्यात आज हलक्या ते मध्यम स्वरूपाचा पाऊस पडण्याची शक्यता हवामान विभागाने वर्तवली आहे. सकाळपासूनच आभाळ भरून आलेले आहेत तर अधूनमधून सरी बरसतील. गेल्या काही दिवसांपासून या भागात पावसाचे प्रमाण कमी झाले होते, परंतु आजच्या हवामानामुळे शेतकऱ्यांना आणि नागरिकांना काहीसा दिलासा मिळू शकतो. कमाल तापमान 30°C च्या आसपास, तर किमान तापमान 25°C पर्यंत राहण्याची शक्यता आहे. आर्द्रतेचे प्रमाण जास्त असल्याने किंचित उकाडा जाणवणार आहे.

ठाणे आणि नवी मुंबई परिसरात आज हलका ते मध्यम स्वरूपाचा पाऊस पडण्याची शक्यता आहे. मागील काही दिवस उकाड्यामुळे अस्वस्थता जाणवत असली तरी, आजच्या पावसामुळे थोडा दिलासा मिळू शकतो. दिवसभर आभाळ भरून राहील, तर अधूनमधून सरी बरसतील. या भागांत कमाल तापमान 30°C ते 31°C दरम्यान, तर किमान तापमान 25°C च्या आसपास राहणार आहे. आर्द्रतेचे प्रमाण जास्त असल्यामुळे उकाडा मात्र कायम राहण्याची शक्यता आहे.

कोकण किनारपट्टीवरील या तीनही जिल्ह्यांत आज हलका ते मध्यम स्वरूपाचा पाऊस पडण्याची शक्यता आहे. मागील काही दिवसांच्या तुलनेत पावसाचा जोर कमी असला तरी, ढगाळ वातावरण कायम राहणार आहे. हवामान विभागाने दिलेल्या अंदाजानुसार, या भागांत कमाल तापमान 30°C ते 31°C दरम्यान, तर किमान तापमान 24°C ते 25°C राहील. समुद्रकिनारी वाऱ्याचा वेग मध्यम असू शकतो, त्यामुळे मासेमारीसाठी बाहेर पडताना काळजी घेण्याचा सल्ला देण्यात आला आहे.