Independence Day 2025 : BMC आणि छत्रपती शिवाजी महाराज टर्मिनसला आकर्षक रोषणाई, PHOTOS

15 ऑगस्ट 1947 रोजी भारत देशाला स्वातंत्र्य मिळालं. येत्या 15 ऑगस्ट 2025 रोजी आपण देशाचा 79 वा स्वातंत्र्य दिन साजरा करणार आहोत.

स्वातंत्र्यदिनाच्या पार्श्वभूमीवर मुंबई महापालिकेचे मुख्यालय आणि छत्रपती शिवाजी महाराज टर्मिनसच्या ऐतिहासिक वास्तू तिरंग्याच्या रंगात न्हाऊन निघाल्याचे पाहायला मिळत आहेत. मुंबईतील नागरिक त्यासोबत सेल्फी घेत फोटो काढत आहेत.

या रोषणाईमुळे छत्रपती शिवाजी महाराज टर्मिनस इमारत अधिकच आकर्षक दिसत आहे. छत्रपती शिवाजी महाराज टर्मिनस रचना ही लंडनमधील सेंट पॅंक्रास रेल्वे स्थानकाशी मिळती जुळती आहे.

मुंबईच्या वैभवात भर घालणाऱ्या या दोन्ही वास्तू स्वातंत्र्य दिनानिमित्त हजारो दिव्यांनी उजळून गेल्या आहेत. त्यामुळे तिरंगी रोषणाई पाहण्यासाठी गर्दी पाहायला मिळत आहे.

तसेच या नयनरम्य दृश्याला दरवर्षी काहीजण डोळ्यात तर, काहीजण आपल्या कॅमेऱ्यात कैद करतात.

मुंबई महापालिकेचे मुख्यालय आणि छत्रपती शिवाजी महाराज टर्मिनसला अनेक महत्त्वाच्या दिनानिमित्ताने त्याला साजेशी अशी रोषणाई करण्यात येते.

त्यामुळे स्वातंत्र्य दिनाच्या पार्श्वभूमीवर या इमारतीला तिरंगी रोषणाई करण्यात आली. ( फोटो सौजन्य : गणेश काळे)