पॉलिथिन बॅगमध्ये सापडला अभिनेत्रीचा मृतदेह, अजूनही मिळालं नाही शीर, थरकाप उडवणारी मर्डर मिस्ट्री

एक अभिनेत्री जिच्या शरीराचे अवयव सापडले होते, पण तिचे डोके अजूनही सापडलेले नाही. या हत्येमागील भयानक सत्य जाणून तुम्हाला धक्का बसेल.

लिलिकर्णई परिसरातील एका कचऱ्याच्या ढिगाऱ्याजवळून एक माणूस जात होता. अचानक त्याला एक विचित्र, जड पॉलिथिन बॅग दिसली. तो बॅगजवळ जाताच आत एक मानवी बोट दिसल्याने त्याला घाम फुटला.

त्या माणसाने बॅग उघडण्याचे धाडस केले. आत त्याला एका महिलेचे कापलेले हात आणि पाय आढळले. यानंतर त्याने ताबडतोब पोलिसांना फोन केला.

पोलिसांनी परिसरात शोध सुरू केला तेव्हा त्यांना आणखी बॅगा सापडल्या. काहींमध्ये आतडे, काही हाडे आणि इतर अवयव होते. त्याच दिवशी, चेन्नईतील अदया नदीच्या काठावर मानवी शरीराच्या अवयवांनी भरलेल्या आणखी अनेक बॅगा सापडल्या.

पण सर्वात मोठा प्रश्न कायम राहिला: ही महिला कोण होती? मृतदेहाचे डोके किंवा चेहरा नव्हता; फक्त काही शरीराचे अवयव आणि काही दागिने पोलिसांना सापडले.

उपायुक्त मुथुस्वामी यांच्या नेतृत्वाखाली तीन पथके तयार करण्यात आली. पोलिसांनी सुमारे 11,700 टन कचऱ्याच्या राखेतून अवशेष शोधले. पण तिचे डोके आणि डावा हात कुठेही सापडला नाही.

पोलिसांनी राज्यातील सर्व पोलीस ठाण्यांमध्ये बेपत्ता महिलांच्या अहवालांची तपासणी केली, पण त्यांना सापडलेल्या मृतदेहांशी काहीच धागेदोरे जुळले नाहीत. शेवटी पोलिसांनी टॅटूच्या आधारे शोध सुरू केला. महिलेच्या मृतदेहाच्या हातावर दोन टॅटू होते, ज्यातला एक शंकर आणि पार्वतीचं प्रतीक होता, तर दुसरा टॅटू अजगराचा होता.

त्याच वेळी, एका महिलेने तुतीकोरिन पोलिस ठाण्यात तक्रार दाखल केली की, तिची मुलगी संध्या 20-25 दिवसांपासून बेपत्ता आहे. तिची मुलगी तिच्या पती आणि दोन मुलांसोबत चेन्नईच्या जाफरखानपेट परिसरात राहत होती. तिच्या पतीचे नाव बालकृष्णन होते. बालकृष्णन हा सपोर्टिंग डायरेक्टर होता.

पोलिसांनी संध्याच्या आईला फोन करून तिला शरीराचे अवयव दाखवले तेव्हा ती स्तब्ध झाली. त्यांनी टॅटू आणि जन्मखुणांच्या आधारे मृतदेहाची ओळख पटवली. डीएनए चाचणीनंतर तो मृतदेह अभिनेत्री संध्याचा असल्याचे सिद्ध झाले.

पोलिसांनी बालकृष्णनला अटक केली. सुरुवातीला त्याने आपण 19 जानेवारीला वडिलांच्या घरी गेलो आणि त्यानंतर परतलो नाही असा दावा केला. सखोल चौकशीनंतर बालकृष्णनने जानेवारीच्या रात्री त्याच्या पत्नीची हत्या केल्याची कबुली दिली.

बालकृष्णनला संशय होता की संध्याचे दुसऱ्या कोणाशी तरी प्रेमसंबंध होते. या मुद्द्यावरून त्यांच अनेकदा भांडण व्हायचं. त्या रात्री त्यांच्यात जोरदार वाद झाला आणि रागाच्या भरात त्याने संध्याच्या डोक्यावर कुऱ्हाडीने वार केले.

नंतर त्याने आपल्या पत्नीचा मृतदेह पोत्यात भरला आणि शहराच्या वेगवेगळ्या भागात फेकून दिला. नंतर पोलिसांनी त्याच्या घरातून रक्ताचे डाग, प्लास्टिकच्या पिशव्या आणि हत्येत वापरलेली कुऱ्हाड जप्त केली. सीसीटीव्ही फुटेजमध्ये तो रात्रीच्या अंधारात मृतदेह असलेल्या पोत्यासह दुचाकी चालवताना दिसत होता.

तपासात असे दिसून आले की बालकृष्णन आणि संध्या यांचे 17 वर्षांपूर्वी लग्न झाले होते. दोघेही तमिळ चित्रपट क्षेत्रामध्ये होते. सुरुवातीला सर्व काही चांगले चालले असले तरी, त्यांचे नाते हळूहळू बिघडले.

2010 मध्ये बालकृष्णनने एका चित्रपटाची निर्मिती केली, पण हा चित्रपट फ्लॉप झाला. यानंतर तो आर्थिक अडचणीत सापडला, ज्यामुळे त्याच्यात आणि संध्यामध्ये भांडणं व्हायला लागली आणि तो पत्नीवर संशय घ्यायला लागला. यानंतर संध्या काही काळासाठी तिच्या वडिलांच्या घरी गेली, पण नंतर कामाच्या शोधात चेन्नईला परतली.

संध्याच्या पतीने तिला परत आणले, पण शंका कायम राहिल्या. हळूहळू, त्या शंकांचे रूपांतर रागात झाले. रागाचे रूपांतर हिंसाचारात झाले. जेव्हा संध्या घराबाहेर पडण्याचा प्रयत्न करत होती, तेव्हा बालकृष्णनने कुऱ्हाडीने तिचा गळा कापला.