Best Horror Film: OTTची सर्वांत भयंकर हॉरर फिल्म, फक्त 95 मिनिटांमध्ये संपतो खेळ, अंधारात चुकूनही पाहू नका सिनेमा

ओटीटी </a>प्लॅटफॉर्ममुळे प्रेक्षकांना आता आपल्या आवडीचा कंटेंट कधीही पाहण्याची सोय मिळाली आहे. एकेकाळी रोमान्स, अॅक्शन फिल्म्सना गर्दी करणारे प्रेक्षक आता थ्रिलर, सस्पेन्स, हॉरर कंटेंटची क्रेझ वाढताना दिसत आहे." width="1200" height="900" /> मुंबई: ओटीटी प्लॅटफॉर्ममुळे प्रेक्षकांना आता आपल्या आवडीचा कंटेंट कधीही पाहण्याची सोय मिळाली आहे. एकेकाळी रोमान्स, अॅक्शन फिल्म्सना गर्दी करणारे प्रेक्षक आता थ्रिलर, सस्पेन्स, हॉरर कंटेंटची क्रेझ वाढताना दिसत आहे.

अशातच काही वर्षांपूर्वी असा एक सिनेमा आला ज्याने प्रेक्षकांची झोप उडवली. इतकंच नाही, तर या फिल्मने थिएटरमध्ये धुमाकूळ घातला होता. ओटीटीवर आल्यावरही या फिल्मने प्रेक्षकांना वेड लावलं. आजही ही फिल्म हॉरर कंटेंटमधील टॉप फिल्म मानली जाते.

हा सिनेमा आहे, २०२२ मध्ये रिलीज झालेला 'टॉक टू मी'. डॅनी फिलिप्पो आणि मायकल फिलिप्पो या जोडीने एकत्रितपणे दिग्दर्शित केलेला हा त्यांचा पहिलाच चित्रपट होता आणि A24 कंपनीने तो रिलीज केला होता.

या ऑस्ट्रेलियन हॉरर चित्रपटात सोफी वाईल्ड, जो एलेक्स, मिरांडा ओटी यांसारख्या कलाकारांनी जबरदस्त अभिनय केला आहे. चित्रपटाची सुरुवात तशी सामान्य वाटते, पण जसजशी कथा पुढे सरकते, तसतसा तिचा प्रवास अत्यंत भयानक वळण घेतो.

'टॉक टू मी' ची कथा सुरुवातीला रंजक वाटते, पण लवकरच ती एक खतरनाक वळण घेते. काही मित्र एका गंभीर खेळात अडकतात. हा खेळ त्यांना आत्म्यांशी संपर्क साधण्याची संधी देतो.

लवकरच एक वाईट आत्मा त्यांच्यात प्रवेश करतो आणि त्यांच्यावर कब्जा करू लागतो. यानंतर भीती आणि तणावाचे असे वातावरण निर्माण होते की, प्रेक्षक कथेमध्ये पूर्णपणे गुंतून जातात. एकामागून एक सगळ्यांचा जीव जातो आणि हा मृत्यूचा खेळ पाहताना अक्षरशः अंगावर काटा येतो.

हा चित्रपट फक्त १ तास ३५ मिनिटांचा आहे, पण इतक्या कमी वेळेतही तो प्रेक्षकांची चांगलीच धाकधूक वाढवतो. विकिपीडियानुसार, हा चित्रपट अंदाजे ४.५ मिलियन डॉलर म्हणजेच सुमारे ३७ कोटी रुपयांच्या बजेटमध्ये बनवण्यात आला होता. पण, बॉक्स ऑफिसवर त्याने २६ मिलियन डॉलर म्हणजेच सुमारे २१३ कोटी रुपयांची जबरदस्त कमाई केली होती.

या चित्रपटाच्या भयानक कथानकाला प्रेक्षकांनी आणि समीक्षकांनीही खूप चांगला प्रतिसाद दिला. IMDb वर या चित्रपटाला ७.१ इतके चांगले रेटिंग मिळाले आहे. या चित्रपटाच्या कथेतील मिस्ट्री आणि भीती तुम्हाला शेवटपर्यंत खिळवून ठेवेल.