Weather Alert: नवरात्रीच्या पहिल्याच दिवशी धो धो कोसळणार, सोमवारी 26 जिल्ह्यांना अलर्ट

राज्यातील विविध भागांत विजांच्या कडकडाटासह मुसळधार पावसाने हजेरी लावली. त्यामुळे शेतकऱ्यांचे भरपूर नुकसान झालेले दिसून येत आहे. 22 सप्टेंबर रोजीही राज्यात मुसळधार पावसाची शक्यता वर्तवण्यात आली आहे. कोकण, मध्य महाराष्ट्र, मराठवाडा आणि विदर्भातही वादळी वाऱ्यासह पावसाचा इशारा देण्यात आला आहे. राज्यातील 26 जिल्ह्यांना पावसाचा यलो अलर्ट जारी करण्यात आला आहे. 22 सप्टेंबर रोजी राज्यात हवामानाची स्थिती कशी राहील? जाणून घेऊ.

कोकण आणि मुंबई परिसरातील पालघर, ठाणे, मुंबई, रायगड, रत्नागिरी आणि सिंधुदुर्ग जिल्ह्यांत पावसाचा इशारा देण्यात आला आहे. यासर्वच ठिकाणी वादळी वाऱ्यासह आणि विजांच्या कडकडाटासह हलक्या ते मध्यम स्वरूपाच्या पावसाची शक्यता आहे. त्यामुळे या ठिकाणी सतर्कतेचा यलो अलर्ट देण्यात आला आहे.

पश्चिम महाराष्ट्रातील पुणे, कोल्हापूर, सातारा, सांगली आणि घाटमाथा परिसरात विजांच्या कडकडाटासह आणि वादळी वाऱ्यासह हलक्या ते मध्यम स्वरूपाच्या पावसाची शक्यता आहे. तर सोलापूर जिल्ह्यांत वादळी वाऱ्यांसह मुसळधार पावसाची शक्यता वर्तवण्यात आली आहे. पश्चिम महाराष्ट्रातील सर्वच जिल्ह्यांना पावसाचा यलो अलर्ट जारी करण्यात आला आहे.

मराठवाड्यातील छत्रपती संभाजीनगर, बीड, लातूर, धाराशिव या जिल्ह्यांत विजांच्या कडकडाटासह आणि वादळी वाऱ्यासह मुसळधार पावसाची शक्यता वर्तवण्यात आली आहे. तर जालना, परभणी, हिंगोली, नांदेड याठिकाणी विजांच्या कडकडाटासह आणि वादळी वाऱ्यासह हलक्या ते मध्यम स्वरूपाच्या पावसाची शक्यता आहे. मराठवड्यातील देखील सर्वच जिल्ह्यांना पावसाचा येल अलर्ट देण्यात आला आहे.

उत्तर महाराष्ट्रातील धुळे, नंदुरबार, जळगाव, नाशिक, नाशिक घाटमाथा आणि अहिल्यानगर जिल्ह्यांत विजांच्या कडकडाटासह आणि वादळी वाऱ्यासह जोरदार पावसाचा इशारा देण्यात आला आहे. सर्वच जिल्ह्यांना पावसाचा यलो अलर्ट जारी करण्यात आला आहे.

विदर्भातील अकोला, अमरावती, भंडारा, बुलढाणा, चंद्रपूर, गोंदिया, नागपूर, वर्धा आणि वाशिम जिल्ह्यांत अंशतः ढगाळ वातावरण राहून हलक्या पावसाची शक्यता आहे. तर गडचिरोली आणि यवतमाळ जिल्ह्यांत विजांच्या कडकडाटासह आणि वादळी वाऱ्यासह मुसळधार पावसाचा अंदाज आहे. या दोन जिल्ह्यांना सतर्कतेचा यलो अलर्ट देण्यात आला आहे.

22 सप्टेंबर रोजी जवळपास राज्यातील सर्वच भागांत पावसाची शक्यता वर्तवण्यात आली आहे. 30 जिल्ह्यांना यलो अलर्ट जारी करण्यात आला आहे. मुसळधार पाऊस आणि विजांच्या कडकडाट होण्याची शक्यता असल्याने नागरिकांनी काळजी घेणे गरजेचे आहे. तसेच हवामान विभागाच्या सूचनांचे पालन करणे देखील आवश्यक आहे.