Pune Weather: पश्चिम महाराष्ट्रात पुढील 24 तास मुसळधार पावसाचे, हवामान विभागाकडून यलो अलर्ट जारी

पावसाच्या उघडिपीमुळे कमाल तापमानाचा पारा तिशीपार असून, उन्हाचा चटका आणि उकाडा वाढला आहे. आज दिनांक 20 जुलै रोजी कोकणातील रत्नागिरी, सिंधुदुर्ग आणि कोल्हापूरच्या घाटमाथ्यावर जोरदार सरींची शक्यता आहे. उर्वरित राज्यातही हलक्या सरींची शक्यता वर्तविण्यात आली आहे.

मागील 24 तासात पुणे जिल्ह्यात पावसाची उघडीप राहिली. यावेळी कमाल तापमानाचा पारा 29.8 अंश सेल्सिअसवर पोहोचला. पुढील 24 तासात पुणे आणि पुणे घाटमाथ्यावर विजांसह पावसाची शक्यता आहे. यामुळे सतर्कतेचा यलो अलर्ट हवामान विभागाने दिला आहे. तसेच पुढील 24 तासात पुण्यातील कमाल तापमान 31 तर किमान तापमान 23 अंश सेल्सिअस इतके राहील.

सातारा जिल्ह्यात मागील 24 तासात हलका पाऊस कोसळला. सातारा परिसरामध्ये 0.7 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 30.2 अंश सेल्सिअस राहिले. सातारा जिल्ह्यामध्ये ढगाळ आकाश आणि विजांसह

कोल्हापूर जिल्ह्यात मागील 24 तासात 6 मिलीमीटर पावसाची नोंद झाली. यावेळी कमाल तापमान 28 अंश सेल्सिअस राहिले. पुढील 24 तासात कमाल तापमान 29 अंशावर पोहचेल. तसेच विजांसह पावसाचा यलो अलर्ट हवामान विभागाने दिला आहे. 30 ते 40 किलोमीटर प्रति तास वेगवान वाऱ्यासह जोरदार पावसाची शक्यता हवामान विभागाने वर्तवली आहे.

सोलापूर जिल्हात मागील 24 तासात 0.1 मिलीमीटर पावसाची नोंद झाली. 33 अंश तापमानाची नोंद सोलापूर मध्ये झाली. पुढील 24 तासात कमाल तापमानाचा पारा 33 अंशावर राहण्याची शक्यता आहे. तसेच ढगाळ आकाशासह गडगडाटी वादळाची शक्यता असल्याने दक्षतेचा यलो अलर्ट हवामान विभागाकडून वर्तवण्यात आला आहे.

मागील 24 तासात सांगली जिल्ह्यामध्ये 0.3 मिलीमीटर पावसाची नोंद झाली. पुढील 24 तासात सांगली जिल्ह्यात ढगाळ आकाशासह गडगडाटी वादळाची शक्यता असल्याने यलो अलर्ट हवामान विभागाने वर्तवला आहे. यावेळी जिल्ह्यातील कमाल तापमान 31 तर किमान तापमान 23 अंश सेल्सिअस इतके राहील.

पश्चिम महाराष्ट्रातील सर्वच जिल्ह्यांत आकाश साधारणपणे ढगाळ राहील. सातारा, सांगली, सोलापूर आणि कोल्हापूर जिल्ह्यांत गडगडाटी वादळाची शक्यता असल्याने सतर्कतेचा यलो अलर्ट भारतीय हवामान विभागाने दिला आहे.