पुण्यातील पथक करणार अयोध्येत शंखनाद; राम मंदिराच्या प्राणप्रतिष्ठापना सोहळ्यासाठी निमंत्रण PHOTOS

राम जन्म भूमी असलेल्या अयोध्येत श्रीरामाच मंदिर होत आहे. 22 जानेवारी रोजी अयोध्या येथे राम मंदिराची प्राणप्रतिष्ठापना होणार आहे. उदघाट्नाची उत्सुकता सगळ्यांनाच लागून राहिली आहे.

यासाठी विविध उपक्रम देखील राबवले जात आहे. एकीकडे वस्त्र विण्याचं काम सुरु आहे तर दुसरीकडे पुण्यातील केशव शंखनाद पथकाला राम मंदिराच्या प्राणप्रतिष्ठापनाच्या कार्यक्रमासाठी शंखनाद करण्यासाठी खास निमंत्रित करण्यात आलं आहे.

येत्या 18 जानेवारीपासून अयोध्येत रामलल्लाच्या प्राणप्रतिष्ठापनेला सुरुवात होणार आहे. तसंच 22 जानेवारी रोजी मंदिराचा भव्य असा लोकार्पण सोहळा पार पडेल.

याबाबतचा पत्र श्रीराम जन्मभूमी तीर्थ क्षेत्राचे महामंत्री चम्पत राय यांनी पथकाचे अध्यक्ष नितीन महाजन यांना दिलं आहे. केशव शंखनाद पथकाचे 111 वादक हे येथे जाऊन शंखनाद करणार आहेत.

गेली 8 वर्ष केशव शंखनाद पथक पुणे महानगरात नागरिकांना केशव शंखनाद पथक मोफत प्रशिक्षण चालवत आहे. गणेश उत्सव, धार्मिक कार्यक्रमात सहभागी होऊन शंखवादन करत आहे. 22 जानेवारी रोजी श्री रामलल्ला विराजमान होणार आहे. श्री राम जन्म भूमीमध्ये आपल्याला शंख वादन करण्याची संधी चम्पत राय यांनी आमंत्रित करून दिली आहे. 18 जानेवारीला अयोध्येत जाऊन 23 आणि 24 तारखेला इथे शंख वादन करणार आहोत.

केशव शंखनाद पथकाचे 111 शंख वादक या कार्यक्रमात सहभागी होणार आहेत. वय वर्ष पाच पासून ते 85 वर्षा पर्यंत लोक अयोध्येकडे प्रस्थान करत आहे. पथकाच वैशिष्ट्य असं की 111 लोकांमध्ये वय वर्ष 85 आणि त्या आतील तरुण- तरुणी सहभागी आहेत. जेव्हा आम्हाला राम मंदिराच्या प्राणप्रतिष्ठापनेच्यासाठी निमंत्रण आलं तेव्हा खूपच आनंद झाला, अशी माहिती पथकाचे अध्यक्ष नितीन महाजन यांनी दिली आहे.

अनेक वर्षा पासूनच असलेलं राम मंदिराच स्वप्न हे आता पूर्ण होत आहे. यामुळे सगळ्यांनाच त्या कार्यक्रमात सहभागी होण्याची इच्छा आहे. असं असताना पुण्यातील केशव शंखनाद पथकाला तेथे शंख नाद करण्याची संधी मिळाली आहे. ही गोष्ट नक्कीच पुणेकरांसाठी अभिमानाची आहे.