घटस्थापनेपूर्वी घरात आणा 'या' 6 वस्तू, तिजोरी होणार नाही कधीच रिकामी; वर्षभर राहील देवीची कृपा!

चैत्र नवरात्रीची सुरुवात लवकरच होत असून घराघरात आदिशक्ती जगदंबेच्या आगमनाची तयारी सुरू झाली आहे. हिंदू धर्मात नवरात्रीच्या नऊ दिवसांना अत्यंत पवित्र मानले जाते. शास्त्रानुसार, घटस्थापनेपूर्वी घराची स्वच्छता करण्यासोबतच काही शुभ वस्तू घरात आणल्यास देवी दुर्गेचा आशीर्वाद कायम राहतो आणि घरात सुख-समृद्धी नांदते.

कलश: घटस्थापना हा नवरात्रीचा सर्वात महत्त्वाचा विधी आहे. त्यासाठी एक नवीन तांब्याचा किंवा मातीचा कलश घरी आणा. तांब्याचा कलश मांगल्याचे प्रतीक मानला जातो, तर मातीचा कलश निसर्गाशी नाते जोडतो. कलश आणल्याने घरातील नकारात्मक ऊर्जा दूर होऊन सकारात्मकतेचा संचार होतो.

सोन्याचे किंवा चांदीचे नाणे: नवरात्र सुरू होण्यापूर्वी सोन्याचे किंवा चांदीचे नाणे खरेदी करणे अत्यंत शुभ मानले जाते. जर त्या नाण्यावर देवी लक्ष्मी किंवा भगवान गणेशाची प्रतिमा असेल तर ते अधिक शुभ असते. नवरात्रात पूजेसाठी त्याचा वापर करा आणि नंतर ते तुमच्या तिजोरीत ठेवा. यामुळे वर्षभर धनाचा प्रवाह स्थिर राहील.

सोळा श्रृंगाराचे साहित्य: नवरात्रीमध्ये देवीला नऊ दिवस नटवण्याची परंपरा आहे. त्यामुळे घटस्थापनेपूर्वीच देवीसाठी बांगड्या, बिंदी, सिंदूर, अत्तर आणि इतर श्रृंगाराचे साहित्य खरेदी करा. हे साहित्य देवीला अर्पण केल्याने अखंड सौभाग्य लाभते आणि घरातील महिलांचे आरोग्य उत्तम राहते.

कमळाचे फूल किंवा चित्र: दुर्गा देवीसोबतच, देवी लक्ष्मीलाही कमळाचे फूल खूप आवडते. नवरात्रीत घरात कमळाचे फूल आणणे किंवा कमळाच्या फुलावर बसलेली देवी लक्ष्मीचे चित्र ठेवणे हे समृद्धीचे प्रतीक मानले जाते. यामुळे कुटुंबातील सदस्यांमध्ये शांती आणि प्रेम वाढते.

मोती शंख किंवा गोमती चक्र: आर्थिक प्रगतीसाठी नवरात्रीपूर्वी 'मोती शंख' किंवा 'गोमती चक्र' घरात आणणे अत्यंत लाभदायक मानले जाते. हे साहित्य लाल कापडात बांधून तिजोरीत किंवा पूजेच्या ठिकाणी ठेवल्याने पैशांची आवक वाढते आणि व्यवसायात यश मिळते.

मोराचे पंख: देवी सरस्वती आणि भगवान श्रीकृष्ण यांचे प्रिय असलेले मोरपंख घरातील नकारात्मकता शोषून घेते. नवरात्रीपूर्वी तीन मोरपंख आणून घराच्या मंदिराजवळ किंवा मुख्य प्रवेशद्वाराजवळ ठेवल्याने वास्तुदोष कमी होण्यास मदत होते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)