वर्षांमागून वर्ष सरले, आला अद्भुत योग; हनुमान जयंतीला शनीदोष दूर करण्याची सुवर्णसंधी

झारखंडमधील देवघरचे प्रसिद्ध ज्योतिषी पंडित नंदकिशोर मुद्गल यांनी सांगितलं की, 23 एप्रिलला संपूर्ण देशभरात हनुमान जयंतीचा उत्सव अत्यंत धुमधडाक्यात साजरा होईल. कित्येक वर्षांनी असा योग जुळून आला आहे की, मंगळवारी सर्वार्थ सिद्धी योगात, शुभ नक्षत्रात हनुमान जयंतीचा सण साजरा होईल. अशात शनी दोषापासून मुक्ती हवी असेल तर या दिवशी कुंकवात चमेलीचं तेल मिसळून त्याचा मारुतीरायांना टिळा लावा. त्यांना वस्त्र अर्पण करा. यामुळे कुंडलीतील सर्व शनीदोष नष्ट होतील. साडेसातीपासूनही मुक्ती मिळेल.

ज्योतिषांनी दिलेल्या माहितीनुसार, पौर्णिमेच्या दिवशी चित्रा नक्षत्र निर्माण होणार आहे. शिवाय याच दिवशी सर्वार्थ सिद्धी योग आणि वज्र योग जुळून आले आहेत. हे दोन्ही योग प्रचंड शुभ मानले जातात. त्यामुळे या दिवशी जर आपण मारुतीरायांची मनोभावे पूजा केली, तर आपल्या अडचणी नष्ट व्हायला वेळ लागणार नाही. शिवाय लवकरच आयुष्यात सुख, समृद्धीचं आगमन होईल.

ज्योतिषशास्त्रानुसार, मारुतीरायांची पूजा कायम मुहूर्तावरच करावी. चैत्र पौर्णिमा तिथी 23 एप्रिल रोजी 3 वाजून 23 मिनिटांनी सुरू झाली असून 24 एप्रिल रोजी 5 वाजून 15 मिनिटांपर्यंत मिनिटांनी समाप्त होईल.

पौर्णिमा काळात 23 एप्रिल रोजी 11 वाजून 59 मिनिटांपासून 12 वाजून 50 मिनिटांपर्यंत मारुतीरायांची पूजा करणं शुभ मानलं जाईल.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)