Mumbai Indian ला नकोसा झाला पण IPL 2026 च्या ऑक्शनमधून खोऱ्याने पैसा ओढणार हा ऑस्ट्रेलियन खेळाडू, पाहा कोण?

आगामी आयपीएल हंगामासाठी 16 डिसेंबर रोजी दुपारी 1 वाजता (भारतीय वेळेनुसार दुपारी 2:30 वाजता) अबू धाबी येथील एतिहाद अरेना येथे लिलाव सुरू होईल.

आयपीएल हंगामासाठी एकूण 1390 खेळाडूंनी नोंदणी केली आहे, त्यापैकी 350 खेळाडूंची निवड करण्यात आली आहे. यात 110 परदेशी खेळाडू खेळाडू आहेत.

अशातच एका ऑस्ट्रेलियन खेळाडूला यंदाच्या हंगामात सर्वाधिक बोली लागली जाऊ शकते. हा तोच खेळाडू ज्याला मुंबई इंडियन्सने हार्दिक पांड्यासाठी ट्रेड केला होता.

17.50 कोटींच्या किंमतीत या खेळाडूला आरसीबीने संघात घेतलं होतं. तर आता केकेआर आणि चेन्नई सुपर किंग्जमध्ये कॅमरूनसाठी फाईट पहायला मिळू शकते.

तर सनरायझर्स हैदराबाद देखील कॅमरुन ग्रीनवर नजर ठेऊन असेल. त्याचबरोबर लखनऊ आणि दिल्ली या ऑस्ट्रेलियन खेळाडूसाठी बोली लावणार का? हे पाहणं महत्त्वाचं ठरेल.

हा खेळाडू दुसरा तिसरा कुणी नसून ऑस्ट्रेलियाचा कॅमरून ग्रीन आहे. कॅमरून ग्रीनला आरसीबीने रिलीज केल्यानंतर आता तो लिलावात उतरला आहे. यंदाच्या हंगामात तो 2 कोटीच्या बेस प्राईजने ऑक्शनमध्ये दिसेल.

दरम्यान, निवडलेल्या 350 खेळाडूंपैकी 240 भारतीय खेळाडू आहेत आणि 110 परदेशी खेळाडू आहेत. यामध्ये 224 अनकॅप्ड भारतीय आणि 14 अनकॅप्ड परदेशी क्रिकेटपटूंचा समावेश आहे.