Smriti Mandhana Palash Muchhal : स्मृतीचं कळालं पण पलाशच्या पोस्टने खळबळ, आरोप खोटे असल्याचा दावा, मग लग्न का मोडलं?

टीम इंडियाची महिला क्रिकेटर वर्ल्डकप विजेती खेळाडू स्मृती मानधना आणि म्युझिक कंपोझर पलाश मुच्छल यांच अखेर लग्न मोडलं आहे.

स्मृती मानधना आणि पलाश मुच्छलने सोशल मीडियावर पोस्ट शेअर करून लग्न मोडल्याचे अधिकृतपणे जाहीर केले.

विशेष म्हणजे स्मृतीने लग्न मोडलं याचं कारण कळालं, पण पलाशने जी पोस्ट शेअर केली होती, त्याने खळबळ माजली आहे. त्यामुळे पलाशच्या पोस्टमध्ये काय आहे? हे जाणून घेऊयात.

मी माझ्या आयुष्यात पुढे जाण्याचा आणि माझ्या (स्मृती सोबतच्या) नात्यातून दूर जाण्याचा निर्णय घेतला आहे. माझ्यासाठी निराधार अफवांवर लोक इतक्या सहजपणे प्रतिक्रिया देतात हे पाहणे खूप कठीण होते. तसेच लोकांनी सोशल मीडियावर व्हायरल होणाऱ्या गोष्टीवरून मला जज करायला नाही पाहिजे होतं, असे पलाश म्हणाला आहे.

"माझी टीम आता अशा सर्व खोट्या अफवांवर आणि आमच्या प्रतिष्ठेला कलंकित करणाऱ्या कोणत्याही गोष्टींवर कठोर कायदेशीर कारवाई करेल, असा इशारा पलाश मुच्छलने केला आहे.

कारण या घटनेत पलाशवर झालेल्या काही आरोपानंतरच हे लग्न मोडल्याच समजते. पण पलाशने त्याच्या पोस्टमध्ये हे सगळे आरोप फेटाळले आहेत आणि संबंधितांवर कारवाईचा इशारा दिला आहे.

अशापरिस्थितीत जर पलाश मुच्छल त्याच्या जागी योग्य आहे. तो हे सर्व आरोप फेटाळून लावतो आहे. मग त्याने लग्न मोडण्याचा निर्णय का घेतला? असा प्रश्न आता उपस्थित होत आहे.