सर्व्हिसिंग करुनही AC कूलिंग करत नाहीये? असू शकतात ही 5 कारणं

तुम्ही तुमचा एसी सर्व्हिसिंग करून घेतला असेल पण तरीही एसी खोली थंड करत नसेल, तर उष्णतेमुळे तुमची स्थिती आणखी बिकट होते. आज आम्ही तुम्हाला समजावून सांगणार आहोत की जर सर्व्हिसिंग केल्यानंतरही एसी व्यवस्थित थंड होत नसेल तर त्यामागील कारणे काय असू शकतात?

पहिले कारण, गॅस गळती: जर एसी खोली थंड करत नसेल, तर गॅस गळती हे त्यामागील एक मोठे कारण असू शकते. जर सर्व्हिसिंग दरम्यान टेक्निशियनने गॅसचं लिकेज चेक केलं नसेल तर ही समस्या उद्भवू शकते. ही समस्या सोडवण्यासाठी, तुम्हाला टेक्निशियन बोलावावे लागेल.

दुसरे कारण, घाणेरडे-ब्लॉक केलेले फिल्टर आणि कॉइल्स: सर्व्हिसिंग दरम्यान, टेक्निशियन बेसिक साफसफाई करतात परंतु सर्व्हिसिंगनंतरही, जर एसी थंड होत नसेल, तर एअर फिल्टर, एवेपोरेटर/कंडेन्सरमधील घाण हे त्यामागील एक मोठे कारण असू शकते. एसीमधील फिल्टर साफ करून ही समस्या सोडवता येते.

तिसरे कारण, कंप्रेसरमध्ये समस्या: कंप्रेसरला एसीचे हृदय म्हटले जाते. जर कंप्रेसरमध्ये समस्या असेल तर एसी खोली थंड करू शकणार नाही, जरी तुम्ही त्याची सर्व्हिसिंग केली असली तरीही. जर कंप्रेसरमध्ये समस्या असेल तर कंप्रेसरमधून एक विचित्र आवाज येऊ लागेल आणि एसी आपोआप चालू आणि बंद होऊ लागेल. कंप्रेसरची समस्या सोडवण्यासाठी, टेक्निशियन बोलवा आणि ते तपासा.

चौथे कारण, चुकीचा एसीचा आकार: तुम्ही खोलीच्या आकारानुसार एसी निवडला नाही तर व्यवस्थित काम करणारा एसी देखील व्यवस्थित थंड होणार नाही. याशिवाय, जर एसी कंप्रेसरवर थेट सूर्यप्रकाश पडत असेल तर एसीच्या थंड होण्यावरही परिणाम होऊ शकतो.

पाचवे कारण, थर्मोस्टॅट/सेन्सरमधील समस्या: एसी थंड न होण्याचे कारण थर्मोस्टॅट किंवा तापमान सेन्सरमधील समस्या असू शकते. एसी रिमोट व्यवस्थित काम करत आहे की नाही ते तपासा आणि थर्मोस्टॅट योग्य ठिकाणी बसवला आहे की नाही ते देखील पहा. सेन्सर किंवा थर्मोस्टॅटशी संबंधित समस्यांसाठी, तुम्हाला एसी तपासण्यासाठी टेक्निशियन बोलावावे लागेल.