Instagram Tips: इंस्टाग्राम वर तुमची प्रोफाईल वारंवार कोण पाहतंय? येथे दिसेल लिस्ट

अनेक जण हे काही लोकांच्या प्रोफाईल वारंवार पाहत असतात. पण आपल्याला कळतच नाही की, कोण आपली प्रोफाइल वारंवार पाहतंय. आज आपण त्या लोकांची लिस्ट कशी पाहायची हे पाहणार आहेत.

काही लोक तुम्हाला फॉलो करत नाही पण तुमच्या प्रोफाइलवर नजर ठेवून असतात. मात्र इंस्टाग्राममध्ये असे कोणतेही फीचर नाही ज्याद्वारे तुम्ही तुमच्या प्रोफाईलला कोण वारंवार भेट देतेय हे तुम्हाला कळू शकेल. पण काही संकेत आहेत ज्यावरुन तुम्हाला हे कळू शकतं.

इंस्टाग्रामवर आपली प्रायव्हसी सुरक्षित ठेवणे खूप महत्वाचे आहे. विशेषत: जेव्हा काही लोक आपल्या पोस्टवर नजर ठेवतात. इंस्टाग्राममध्ये काही सेटिंग्ज आहेत ज्यामुळे तुमची प्रोफाईल कोण पाहत आहे याचा अंदाज लावू शकतात. तुम्ही तुमचे अकाउंट कसे सुरक्षित ठेवू शकता चला पाहूया.

सर्व प्रथम, Instagram ॲप उघडा आणि आपल्या प्रोफाइलवर जा. नंतर, वरच्या उजव्या कोपऱ्यात असलेल्या तीन लाइन्सवर क्लिक करा. पुढे, "Blocked" सेक्शनमध्ये जा.

येथे तुम्हाला "You May Want to Block" नावाचं सेक्शन दिसेल. या सेक्शनमध्ये अनेक लोकांचे प्रोफाईल दिसतील. तुम्हाला कोणीतरी त्रास देत आहे असे तुम्हाला वाटत असल्यास, तुम्ही त्यांना ब्लॉक करू शकता. कदाचित तुम्हाला येथे कोणतेही नाव दिसणारही नाही. पण दिसले तर तुम्ही समजू शकता की, ते तुमच्यावर गुपचूप नजर ठेवत आहेत.

इंस्टाग्राम तुमची पर्सनल माहिती सुरक्षित ठेवण्यासाठी अनेक फीचर देते. या फीचरच्या मदतीने, तुम्ही खात्री करू शकता की कोणताही अनोळखी व्यक्ती किंवा स्टॉकर तुमच्या प्रोफाइल अॅक्टिव्हिटीचा गैरवापर करणार नाही.

तुम्हाला तुमचे अकाउंट कोणत्याही अनोळखी व्यक्तीने पाहू नये असे वाटत असेल, तर तुम्ही सेटिंगमध्ये जाऊन तुमचे अकाउंट प्रायव्हेट ठेवू शकता. जर दुसऱ्या व्यक्तीने तुम्हाला फॉलो रिक्वेस्ट पाठवली आणि तुम्ही ती स्वीकार करेपर्यंत, ती व्यक्ती तुमची प्रोफाइल पाहू शकणार नाही. केवळ तुमचे फॉलोअर्स तुमचे पर्सनल अकाउंट पाहू शकतील.