Success Story : सलग सहा वेळा अपयश, लहानपणी पाहिलेलं स्वप्न अखेर पूर्ण, दादरच्या प्रगल्भची सैन्यात लेफ्टनंटपदी निवड, Video

या ध्येयासाठी त्यांनी लहानपणापासूनच तयारी सुरू केली. वयाच्या दहाव्या वर्षी त्यांनी सी कॅडेट कॉर्प्सच्या ट्रेनिंग शिप जवाहर येथे चार वर्षे प्रशिक्षण घेतले. त्यानंतर अकरावी-बारावी पूर्ण झाल्यावर त्यांनी इंजिनियरिंगला प्रवेश घेतला. कॉलेजमध्ये शिक्षण घेत असतानाच त्यांनी एनसीसीचे प्रशिक्षणही पूर्ण केले. सैन्यात जाण्याचे स्वप्न साकार करण्यासाठी त्यांनी एसएसबी परीक्षा देण्यास सुरुवात केली. मात्र सुरुवातीला त्यांना अपयशाचा सामना करावा लागला. सलग सहा वेळा अपयश आले, तरीही त्यांनी हार मानली नाही. सातव्या प्रयत्नात त्यांनी यश मिळवत लेफ्टनंट पद मिळवले.