Success Story : तोटा झाला तरी निर्णय घेतला, टरबूज लागवड ठरली फायद्याची, ज्ञानेश्वरला 8 लाखांचा नफा

बीड : बीड जिल्ह्यातील ज्ञानेश्वर चव्हाण हा तरुण शेतकरी आपल्या जिद्दी आणि मेहनतीच्या बळावर यशाची नवी कहाणी घडवत आहे. त्याच्याकडे जेमतेम दोन एकर शेती असून पूर्वी तो त्या शेतीमध्ये कापूस आणि सोयाबीनची लागवड करत होता. यावर्षीही त्याने दीड एकर क्षेत्रात कापूस तर अर्धा एकर क्षेत्रात सोयाबीनची लागवड केली होती. मात्र अवकाळी पावसामुळे दोन्ही पिके पाण्याखाली जाऊन पूर्णपणे नष्ट झाली. त्यामुळे मोठे आर्थिक नुकसान झाल्याने ज्ञानेश्वर चव्हाण काही काळ निराश झाला होता.