Jio यूझर्ससाठी फ्री मिळतंय JioHotstar! 100 रुपयांत 5GB डेटासह फ्री सब्सक्रिप्शन

Jio यूझर्ससाठी ही मोठी बातमी आहे. जर तुम्हालाही तुमच्या कमी बजेटनुसार हा डेटा प्लॅन तुमच्या फोनमध्ये घ्यायचा असेल, तर ही एक उत्तम संधी आहे. आता जिओने एक नवीन डेटा ओन्ली प्लॅन सादर केला आहे. जिओने 100 रुपयांचा नवीन डेटा प्लॅन लाँच केला आहे.

ज्यामध्ये तुम्हाला 90 दिवसांसाठी जिओ होस्टार सबस्क्रिप्शन आणि 5GB डेटा मिळतो. सिनेमा आणि डिस्ने प्लस हॉटस्टारच्या विलीनीकरणानंतर, जिओने सर्व रिचार्ज प्लॅनमधून मूलभूत जिओसिनेमा फायदे काढून टाकले. हा प्लॅन जिओच्या अधिकृत वेबसाइटवर लिस्ट करण्यात आला आहे.

100 रुपयांचा प्लॅन : आपण जिओच्या नवीन 100 रुपयांच्या प्लॅनबद्दल बोललो तर त्यात कॉलिंग आणि एसएमएस सुविधा उपलब्ध नाहीत. यासाठी, यूझर्सना बेस प्लॅनची ​​आवश्यकता असेल. जिओचा लेटेस्ट डेटा-ओन्ली प्लॅन जिओ हॉटस्टार सबस्क्रिप्शनसह येईल. हा फक्त डेटा पॅक आहे, त्यामुळे तो वापरण्यासाठी तुमच्याकडे एक स्टँडर्ड पॅक असणे आवश्यक आहे. कृपया लक्षात ठेवा की या प्लॅनची ​​5GB डेटा लिमिट संपल्यानंतर, इंटरनेट स्पीड 64 Kbps पर्यंत कमी होतो.

जिओ सिनेमाचा 149 रुपयांचा प्लॅन : आपण नियमित जिओ हॉटस्टार प्लॅनबद्दल बोललो तर 149 रुपयांमध्ये तुम्हाला 90 दिवसांची व्हॅलिडिटी मिळते. तसेच लिमिटेड फोन अॅक्सेस दिला जातो. या प्लॅनमध्ये, यूझर्सना आगामी आयपीएल 2025 सारख्या वेब सिरीज, चित्रपट आणि लाईव्ह स्पोर्ट्स स्ट्रीमिंगची सुविधा मिळते, जी स्मार्टफोन आणि टीव्हीवर 1080 पिक्सेल रिझोल्यूशनवर स्ट्रीम केली जाऊ शकते. तसेच, तुम्ही 720 पिक्सेलवर कंटेंट पाहू शकाल. या प्लॅनमध्ये आयपीएलचे फ्री स्ट्रीमिंग उपलब्ध असेल.

100 रुपयांच्या प्लॅनचे फायदे : JioHotstar चा स्टँडर्ड मोबाईल प्लॅन 149 रुपयांना येतो. या प्लॅनच्या तुलनेत, तुम्हाला 100 रुपयांच्या डेटा पॅकमध्ये 5GB डेटा दिला जात आहे. हा पॅक आता Jio च्या वेबसाइट आणि My Jio अॅपवर उपलब्ध आहे.

जिओच्या 100 रुपयांच्या प्लॅनव्यतिरिक्त, 195 रुपयांच्या पॅकमध्ये 15GB डेटा दिला जातो. या प्लॅनची ​​व्हॅलिडिटी 90 दिवसांची आहे. या प्लॅनमध्ये जिओ हॉटस्टार मोबाईल सबस्क्रिप्शन दिले जात आहे.