Phone Update : फोनला टाईम टू टाईम अपडेट करणं का गरजेचं? असं न केल्याने उद्भवतील 5 धोके

आजच्या डिजिटल जगात स्मार्टफोन ही काळाची गरज झाली आहे. फोन आता फक्त फोन उचलणं किंवा फोन करणं यासाठी राहिलेला नाही तर आता लोक यावरुन मेसेज एकमेकांना शेअर करतात. एवढच नाही तर लोक आपल्या ऑफिसपासूनची सगळीच काम आपल्या फोनमध्ये करतात. त्यामुळे फोन खूप महत्वाची गोष्ट झाली आहे. आता व्यक्ती आपलं आयुष्य फोनशिवाय विचारच करु शकत नाहीत.

मात्र, अनेकदा लोक स्मार्टफोनमध्ये येणारे अपडेट्स दुर्लक्ष करतात किंवा लोकांना हे नवीन अपडेट्स नकोसे वाटतात. आणि हीच छोटीशी चूक मोठ्या समस्यांना आमंत्रण देऊ शकते. आता तुम्ही म्हणाल की अपडेट्स न केल्याने असं काय होणार आहे? खरंतर फोन अपडेट न करणं तुमच्यासाठी भविष्यात डोकेदुखी ठरु शकते. चला पाहू स्मार्टफोन अपडेट्सकडे दुर्लक्ष केल्याने होणारे 5 मोठे तोटे.

1. सुरक्षा धोक्यात
मोबाइल कंपन्या नियमितपणे सिक्युरिटी पॅच अपडेट्स जारी करतात जेणेकरून फोनला हॅकर्स आणि व्हायरसपासून सुरक्षित ठेवता येईल. जर तुम्ही हे अपडेट्स इंस्टॉल केले नाहीत, तर फोनची सुरक्षा धोक्यात येऊ शकते. यामुळे हॅकर्स तुमचा डेटा चोरू शकतात किंवा तुमच्या फोनवर कंट्रोल मिळवू शकतात.

2. नवीन सुविधा मिळणार नाहीत
अपडेट्समध्ये फक्त सुरक्षा सुधारणा होत नाही तर अनेकदा नवे फीचर्स आणि सुधारित सुविधा देखील मिळतात. जर तुम्ही फोन अपडेट केला नाही, तर नवीन फीचर्स तुमच्या डिव्हाईसमध्ये येणार नाहीत आणि तुम्ही जुन्याच वर्जनमध्ये अडकून राहाल.

3. ॲप्स नीट काम करणार नाहीत
बहुतेक ॲप्स हे नवीन सॉफ्टवेअर वर्जनसाठी डिझाइन केले जातात. तुमचा फोन अपडेट नसेल, तर ॲप्स वारंवार क्रॅश होऊ शकतात किंवा सुरूच होणार नाहीत.

4. बॅटरी लवकर संपू शकते
अपडेट्समध्ये बॅटरीची कार्यक्षमता आणि प्रोसेसरची परफॉर्मन्स सुधारण्यासाठी बदल केलेले असतात. अपडेट्स टाळल्यास फोनची बॅटरी लवकर संपते आणि फोन स्लो होण्याची शक्यता वाढते.

5. फोन वारंवार हँग होईल
जुन्या वर्जनमध्ये अनेकदा बग्स असतात, ज्यामुळे फोन हँग होतो किंवा डेटा गायब होऊ शकतो. नवीन अपडेट्स हे बग्स दुरुस्त करतात आणि फोन पूर्वीपेक्षा जास्त स्मूथ आणि वेगवान चालतो.