जिगरी मित्राने केले वाटोळे, एका दिवासत मस्क यांना 15200 कोटींचा फटका, ट्रम्प यांनी डाव फिरवला

जिगरी दोस्ताला जीवापाड मदत करणाऱ्या मित्राचेच 15200 कोटी पाण्यात बुडाल्याची घटना जगानं पाहिली. मित्रासाठी पाण्यासारखा पैसे ओतलेल्या मित्राचंच नुकसान केलं अशी टिका आता सोशल मीडियावर सुरू झाली आहे. जिगरी दोस्त समजले जाणारे टेस्लाचे सीईओ एलन मस्क आणि अमेरिकेचे अध्यक्ष डोनाल्ड ट्रम्प यांच्यातील संघर्ष चव्हाट्यावर आला आहे.

एक नवा टॅक्स आणि खर्चाशी संबंधित विधेयक, ज्याला मस्कने जनतेच्या पैशांची उधळपट्टी म्हणत सडकून टीका केली, त्यावरुन वाद जगासमोर आला. मस्क आणि ट्रम्प यांच्यातील संघर्ष सुरू झाला.

एलन मस्कने ट्रम्पच्या नव्या आर्थिक विधेयकावर थेट विरोधच केला. "हे बिल म्हणजे लोकांचा पैसा वाया घालवण्याचा प्रकार आहे. इतकंच नाही तर या बिलवर चर्चा टाळण्यासाठी रातोरात ते मंजूरही करण्यात आलं असा आरोप मस्क यांनी केला.

मस्क यांच्या आरोपावर ट्रम्प यांनी सडेतोड उत्तर दिलं. मस्क यांना या विधेयकाबद्दल पूर्वकल्पना होती. जेव्हा सरकारमधून बाहेर पडल्यावर EV सवलतीमध्ये कपात होणार हे लक्षात आलं तेव्हा कंपनीचं नुकसान होईल या भीतीनं त्यांना हे विधेयक म्हणजे पैसे वाया घालवणारं वाटू लागलं.

एवढ्यावरच न थांबता ट्रम्प यांनी मस्क यांना सरकारकडून मिळणाऱ्या सबसिडी आणि कॉन्ट्रॅक्ट्स बंद करण्याची धमकी दिली. या दोघांमधील संघर्षाचा परिणाम थेट एलन मस्क यांच्या टेस्ला कंपनीवर झाला. गुरुवारी टेस्लाचे शेअर्स तब्बल 14 टक्क्यांनी कोसळले, ज्यामुळे कंपनीच्या बाजारमूल्यात 152 अब्ज डॉलर्सचा तोटा झाला

टेस्लाचं मार्केट कॅप 1 ट्रिलियन डॉलर्सवरून आता 916 अब्ज डॉलर्सपर्यंत खाली आलं आहे. ही टेस्लाच्या इतिहासातील सर्वात मोठी घसरण मानली जाते. इतकंच नाही मस्क यांच्या वैयक्तीक संपत्तीमध्येही मोठी घट झाल्याची चर्चा सुरू झाली आहे.

या नव्या विधेयकात इलेक्ट्रिक वाहन खरेदीवर मिळणारी ७,५०० डॉलर्सपर्यंतची करसवलत रद्द करण्याचा प्रस्ताव आहे. यामुळे टेस्लासह अनेक EV कंपन्यांवर मोठा आर्थिक परिणाम होणार आहे. जेपी मॉर्गनच्या अंदाजानुसार, या बदलामुळे टेस्लाला दरवर्षी सुमारे १.२ अब्ज डॉलर्सचा तोटा होण्याची शक्यता आहे.