पहिल्या लग्नात 38 अब्ज डॉलर गमावले, नव्या बायकोला देणार वर्षाला 10 लाख डॉलर; अशी आहे जेफ बेजोस नवी पत्नी

अ‍ॅमेझॉनचे संस्थापक जेफ बेजोस लवकरच लॉरेन सांचेजसोबत विवाहबंधनात अडकणार आहेत. लॉरेन सांचेज या अमेरिकन पत्रकार, उद्योजिका आणि एव्हिएशन एक्सपर्ट आहेत. त्यांचा विवाह 26 जून 2025 पासून इटलीत सुरू होतोय आणि या लग्नाबाबत संपूर्ण जगभरात उत्सुकता आहे. मीडिया आणि ग्लॅमर वर्ल्डमध्ये या राजेशाही विवाहाविषयी विशेष उत्साह आहे आणि आता लॉरेन केवळ एक मीडिया प्रोफेशनल नाहीत, तर बेजोसच्या आयुष्याचा अविभाज्य भाग होणार आहेत.

लॉरेन एक प्रसिद्ध पत्रकार असून त्यांनी अनेक मोठ्या नेटवर्कसह काम केले आहे आणि ब्लॅक ऑप्स एव्हिएशनसारख्या साहसी एव्हिएशन प्रकल्पांची स्थापना केली आहे.

2018 च्या सुमारास त्यांनी अ‍ॅमेझॉन आणि जेफ बेजोसच्या अंतराळ कंपनी ब्लू ऑरिजिनशी संबंधित प्रकल्पांवर काम केले. ज्यातून दोघांमधील जवळीक वाढली.

लॉरेन आणि जेफ यांची मैत्री हळूहळू अधिक घट्ट होत गेली आणि 2019 मध्ये जेफने आपल्या पहिल्या पत्नी मॅकेन्झी स्कॉटपासून घटस्फोटाची घोषणा केली. त्याच वेळी लॉरेनशी त्याचे नाते जवळचे होते.

जानेवारी 2023 मध्ये फ्रान्सच्या दक्षिण किनाऱ्यावर त्यांच्या आलिशान यॉट ‘कोरू’वर जेफ बेजोसने लॉरेनला प्रपोज केले. त्याने तिला गुलाबी हिऱ्याची अंगठी भेट दिली.

मीडिया रिपोर्ट्सनुसार, लॉरेन आणि जेफ बेजोसचा विवाह 26 जून 2025 रोजी इटलीत सुरू होत आहे आणि हे सोहळे 29 जूनपर्यंत चालतील.

लग्नासाठी भव्य आयोजन करण्यात आले आहे आणि पाहुण्यांच्या स्वागताची खास व्यवस्था करण्यात येत आहे. तिथे पिंक कार्पेट, खास सजावट आणि ग्लॅमरस कार्यक्रमांचाही समावेश असेल.

मागील विवाहात 38 अब्ज डॉलर्स गमावलेल्या बेजोसने यावेळी आधीच प्रिनप्रीचुअल करार केला आहे. मीडिया रिपोर्ट्सनुसार, सांचेजला या विवाहासाठी प्रत्येक वर्षाला 10 लाख डॉलर्स मिळू शकतात.

दोघांचे नाते माध्यमांमध्ये चर्चेचा विषय ठरले आहे. लोक याकडे उत्सुकतेने पाहत आहेत की, जगातील सर्वात श्रीमंत व्यक्ती जेफ बेजोस आपल्या वैयक्तिक आयुष्यात किती उत्कटता आणि स्टाईलने पुढे जात आहेत.