Flight Tickets: हे कुणालाच माहिती नाही, या दिवशी संध्याकाळी बुकिंग केल्यावर मिळतात विमानाची स्वस्त तिकिटं!

फिरायला जायचं असेल किंवा लग्नसराईच्या हंगामात कुणाच्या लग्नाला जायचं असेल तर बस, ट्रेन व विमान असे ऑप्शन्स आहेत. लांबचा प्रवास असेल तर वेळ वाचवण्यासाठी विमानाने जाणं अनेक जण पसंत करतात.

विमान प्रवास कम्फर्टेबल असतोच सोबतच वेळही वाचतो; मात्र प्रत्येकाचं तेवढं बजेट नसतं. खूपदा तिकिटं इतकी महाग असतात की जाणं कॅन्सल करावं लागतं. काही इमर्जन्सी असेल आणि जाणं भाग असेल तर मात्र खर्च करण्यावाचून पर्याय नसतो. तुम्हीही जर विमान प्रवास करण्याच्या विचारात असाल तर कमी खर्चात तिकीट बुक करण्याबद्दल काही बाबी जाणून घेऊ या.

सहसा आठवड्याच्या शेवटी तिकिटांचे दर खूप जास्त असतात. तुम्ही पुढच्या आठवड्याचा प्लॅन करत असाल तर त्या आठवड्याच्या मंगळवारी संध्याकाळी फ्लाइट तिकीट बुक करा. समजा तुम्हाला शनिवारी किंवा रविवारच्या फ्लाइटचं बुकिंग करायचं असेल, तर तुम्हाला मंगळवारी संध्याकाळी पाचनंतर तिकीट बुक करावं लागेल. या दिवशी तुम्हाला अतिशय कमी किमतीत तिकिटं मिळतील. गुगलच्या माहितीनुसार, सोमवार ते बुधवारदरम्यानच्या फ्लाइट वीकेंडच्या फ्लाइटच्या तुलनेत 12 ते 20 टक्के स्वस्त आहेत.

फ्लाइट बुक करण्यापूर्वी आपण सर्व जण अनेक वेबसाइट तपासतो. याशिवाय तुम्ही एअरलाइन कंपन्यांच्या वेबसाइट्सही तपासू शकता. कंपन्या अनेकदा चांगल्या ऑफर्स देतात.

तुम्हाला डेस्टिनेशनला पोहोचायची घाई नसेल तर नॉन स्‍टॉप फ्लाइटऐवजी ले ओव्हर किंवा कनेक्टिंग फ्लाइट बुक करा. ले ओव्हरचा वेळ एका विमानातून दुसऱ्यात बदलण्यासाठी असतो. तुम्हाला पैसे वाचवायचे असतील तर ले ओव्हर फ्लाइट बुक करणं चांगलं आहे.

स्वस्त तिकिटासाठी तुम्ही क्रोम इन प्लग वापरू शकता. गुगल क्रोममध्ये थर्ड पार्टी प्‍लग इन असतात. ते फ्लाइट तिकिटावर लक्ष ठेवू शकतात. ते किमती कमी झाल्यावर तुम्हाला नोटिफिकेशन्‍स पाठवतात. यात तुम्हाला फ्लाइट तिकीट कम्पेअर करायचा ऑप्शन असतो. तसंच ऑनलाइन बुकिंगवर चांगला डिस्काउंटही मिळतो.

तुम्ही गुगल एक्सप्लोअरर वापरून स्वस्त तिकिटं बुक करू शकता. हे टूल कोणत्या फ्लाइटचं भाडं कमी आणि जास्त आहे हे सांगतं. या वेबसाइटच्या मदतीने तुम्ही सामान्य भाड्यापेक्षा कमी पैशांमध्ये तिकीट बुक करू शकता.