Animal Facts : असा किटक दिसला तर फळफळतं नशीब, म्हणे, भरपूर पैसा मिळतो

जसे आपण श्वान, मांजर पाळतो तसे किटक, किडे पाळत नाहीत. किंबहुना ते कुणाला आवडत नाही. आपण त्यांना मारतो किंवा घराबाहेर काढतो.

पण तुम्हाला आश्चर्य वाटेल असा एक किडा आहे, ज्याला पाळण्यासाठी लोक उत्सुक असतात. त्याच्यासाठी लाखो-कोट्यवधी रुपये खर्च करण्याची त्यांची तयारी असते.

तो इतका खास आहे, जगातील कित्येक देशांमध्ये त्याच्या व्यापारावर बंदी घालण्यात आली आहे. या किड्याच्या प्रजाती नष्ट होण्याचा धोकाही वाढतो आहे.

2 ते 3 इंचाचा हा कीडा ज्याची किंमत ऑडी-बीएमडब्‍ल्‍यू अशा लक्झरी गाड्यांपेक्षाही जास्त आहे. काही वर्षांपूर्वी एका जपानी ब्रीडरने हा एक किडा 89,000 डॉलर म्हणजे आताच्या घडीचे जवळपास 73 लाख रुपयांना विकला होता.

हा किडा फक्त उष्ण ठिकाणीच आढळतो. थंडीत त्यांचा मृत्यू होतो. कचऱ्यात हा किडा असतो.

या किड्यांच्या अळ्या सडणारं लाकूड खातात. पण प्रौढ किडे लाकूड खाऊ शकत नाहीत. प्रौढ किडे फळांचा, झाडांचा रस आणि पाण्यावर जगतात.

या किड्याचं नाव आहे स्टॅग बीटल. लुकानिडे जातीतील तो आहे. या किड्याच्या 1200 प्रजाती असतात. हा पृथ्वीवरील सर्वात लहान, विचित्र, दुर्मिळ आणि महागड्या किड्यांपैकी एक आहे.

आता हा दुर्मिळ किडा ओळखायचा कसा. तर याच्या डोक्यावर काळे शिंगं असतात. त्यांची जीभ नारंगी रंगाची असते.

आता हा किडा इतका महाग का? तर या किड्याचा उपयोग बऱ्याच आजारावरील महागडी औषधं बनवण्यासाठी होतो, त्यामुळे त्याची किंमत जास्त आहे. (सर्व फोटो सौजन्य – ट्विटर)