Strawberry Moon : कधी पाहिलाय का स्ट्रॉबेरी मून? आज आकाशात दिसणार चंद्राचं अद्भुत रूप, लक्षात ठेवा ही वेळ

आपण रात्री आकाशात दररोज चंद्राला पाहतो. त्याचा आकार बदल असतो. चंद्राचा आकार बदलताना आपण पाहिलं आहे. पण तुम्ही कधी स्ट्रॉबेरी मून पाहिला आहे का? चंद्राचं एक वेगळंच रूप, जे आज पाहण्याची संधी आहे.

आज रात्री आकाशात 'स्ट्रॉबेरी मून' दिसणार आहे. असा चंद्र दर 18.6 वर्षांनी दिसतो, जो दिवस आज आला आहे आणि आता नंतर 2043 साली दिसेल. त्यामुळे असा चंद्र पुन्हा पाहायचा असेल तर 2043 सालापर्यंत प्रतीक्षा करावी लागेल. त्यामुळे अनोखा चंद्र पाहण्याची संधी सोडू नका. 2043 पर्यंत स्ट्रॉबेरी मून पुन्हा दिसणार नाही.

आता तुम्हाला प्रश्न पडला असेल की स्ट्रॉबेरी मून म्हणजे चंद्र स्ट्रॉबेरीसारखा दिसणार का? तर नाही. स्ट्रॉबेरी मून हे नाव त्याच्या रंगामुळे नाही. तर हे नाव अमेरिकन आदिवासी परंपरेशी जोडलेलं आहे. जूनमध्ये स्ट्रॉबेरीची कापणी पौर्णिमेनंतर सुरू झाली.

चंद्र स्ट्रॉबेरीसारखा लाल नाही मग तो कसा दिसणार तर या दिवशी चंद्र पृथ्वीपासून दूर असतो, तो नेहमीपेक्षा लहान आणि कमी दिसतो. त्याचा प्रकाश मंद असतो.

आता स्ट्रॉबेरी मून प्रत्यक्षात कसा दिसतो हे तुम्ही आकाशात चंद्र पाहाल तेव्हाच समजेल. भारतात सूर्यास्तानंतर आग्नेय दिशेला स्ट्रॉबेरी मून दिसतो. दिल्ली, मुंबई, कोलकाता आणि बेंगळुरू सारख्या शहरांमध्ये हे दृश्य संध्याकाळी 7 नंतर दिसेल.