कडाक्याच्या थंडीतही वीज कर्मचाऱ्यांना फुटला घाम, फक्त एका ग्राहकाचं लाइट बिल मोजण्यासाठी लागले तब्बल 5 तास

चिल्लर नाणी देऊन वीज बिलाचा भरणा करण्याचा अनोखा प्रकार वाशिम जिल्ह्यातील रिसोडमध्ये पाहायला मिळाला आहे.

शहरातील एका व्यापाऱ्याकडे महावितरणचं वीज बिल थकीत होतं. ते बिल भरण्यासाठी त्या व्यापाऱ्याने महावितरणच्या कर्मचाऱ्यांकडे चक्क नाणी आणली.

अर्ध पोतं भर नाणी त्याने दुचाकीवरून एक किलोमीटर अंतरावर असलेल्या महावितरण कार्यालयात नेली.

वीज बिल भरण्यासाठी जी चिल्लर दिली ती चलनात असल्याने महावितरणच्या कर्मचाऱ्यांना ती स्वीकारावी लागली. त्यांना नकार देता आला नाही.

रोखपाल प्रशांत थोटे, लाईनमन उद्धव गजभार आणि अतुल थेर यांनी मिळून ही चिल्लर नाणी मोजण्यास सुरुवात केली.

ही नाणी मोजण्याचं काम करताना महावितरणच्या कर्मचाऱ्यांची चांगलीच दमछाक झाली. मोजताना कर्मचाऱ्यांना या कडाक्याच्या थंडीतही घाम फुटला.

थोडी थोडकं नव्हे तर तब्बल 7 हजार 160 रुपयांचं बिल. जे 1 आणि 2 रुपयांच्या नाण्यात देण्यात आलं. या नाण्यांचं वजन 40 किलो होतं. नाणी मोजायला त्यांना तब्बल 5 तास लागले.