Weird Tradition : या गावात श्रावणात 5 दिवस महिला घालत नाहीत कपडे; तेव्हा पुरुष करतात 'हे' काम

जगात अनेक परंपरा आहेत. काही ठिकाणी अनेक परंपरा आजही पाळल्या जातात. भारतातील एका गावातही महिला आणि पुरुषांसाठी एक विचित्र परंपरा आहे. जी आजही पाळली जाते. जिथं महिला श्रावणात 5 दिवस कपडे घालत नाहीत.

दरवर्षी या गावातील महिला श्रावण महिन्यात 5 दिवस कपडे घालत नाहीत. असं म्हटलं जातं की जी महिला ही परंपरा पाळत नाही तिला काही दिवसात वाईट बातमी ऐकायला मिळते.

या परंपरेचे पालन करण्यामागेही एक रंजक कथा आहे. फार पूर्वी पिनी गावात भुते फिरत होती. ते राक्षस गावातील स्त्रियांचे कपडे फाडून त्यांना घेऊन जात असत. गावकऱ्यांना त्यांच्यापासून वाचवण्यासाठी 'लहुआ घोंड' देवी पिनी गावात आली. त्या देवीने राक्षसांचा वध करून लोकांचे रक्षण केले. ही घटना भाद्रपद महिन्याच्या पहिल्या दिवशी घडली.

तेव्हापासून श्रावण महिन्यातील शेवटचे 5 दिवस इथं विशेष उत्सव असतो जेव्हा महिला कपडे घालत नाहीत अशी. कपड्यात सुंदर दिसल्यास दानव, भुते त्यांना पळवून नेतात असा समज आहे. काही महिला आजही ही परंपरा स्वतःहून पाळतात. तर काही पातळ कपडा अंगावर घेतात. पण त्यांना उत्सवात सहभागी होण्याची परवानगी नसते. आता या 5 दिवसांमध्ये बहुतांश महिला घराबाहेर पडत नाहीत.

या काळात पिनी गावातील लोक बाहेरच्या लोकांना गावात येऊ देत नाहीत. तसेच बाहेरील लोक त्यांच्या या विशेष उत्सवात सहभागी होऊ शकत नाहीत.

श्रावणातील या पाच दिवसांमध्ये पुरुषांना मद्य आणि मांस खाऊ शकत नाही. असं मानलं जातं की जर याचे पालन केलं नाही तर देव कोपून काही समस्या निर्माण करतात.

दरम्यान, संपूर्ण गावात पती-पत्नी एकमेकांशी बोलत नाहीत. या काळात पती-पत्नी एकमेकांपासून पूर्णपणे विभक्त होतात. आता ही प्रथा कोणत्या गावात आहे हे जाणून घेण्याची उत्सुकता तुम्हाला असेल.  हिमाचल प्रदेशातील मणिकर्ण खोऱ्यातील पिनी गावातील आहे.