Anil Deshmukh : 'तर अनिल देशमुखांचे डिपॉझिट जप्त होईल' अजित पवारांच्या आमदाराचं आव्हान, म्हणाले

गोंदिया, (रवी सपाटे, प्रतिनिधी) : राज्यात विधानसभा निवडणुकीचे वारे वाहू लागले आहेत. अनेक राजकीय नेत्यांचे सध्या राज्यभर दौरे सुरु आहेत. कोणी यात्रा काढतंय तर काहींनी जाहीर सभांचा धडाका लावला आहे. विधानसभा मतदारसंघात उमेदवार चाचपणीदेखील सुरू आहे. अशात आव्हान-प्रतिआव्हान दिले नाही तरच नवल. भाजपाचा बालेकिल्ला असलेल्या नागपुरातील दक्षिण-पश्चिम विधानसभा मतदारसंघामधून उपमुख्यमंत्री देवेंद्र फडणवीस यांच्या विरोधात राष्ट्रवादी काँग्रेस शरद पवार गटाचे नेते अनिल देशमुख यांना रिंगणात उतरवण्याच्या हालचाली सुरू असल्याची चर्चा आहे. तर दुसरीकडे अन्न व औषध प्रशासन मंत्री व राष्ट्रवादी अजित पवार गटाचे नेते धर्मरावबाबा आत्राम यांनी देशमुखांना त्यांच्या विरोधात उभे राहण्याचं आव्हान दिलं आहे.